23 лютага 2017 года ў НАН Беларусі адбыліся перагаворы кіраўніцтва НАН Беларусі з дэлегацыяй Міністэрства нацыянальнай харчовай бяспекі і даследаванняў Пакістана на чале з першым намеснікам міністра, сустаршынёй Сумеснай рабочай групы Абідам Джаведам. Як адзначыў у ходзе сустрэчы намеснік старшыні Прэзідыума НАН Беларусі Пётр Казакевіч, НАН Беларусі надае асаблівае значэнне развіццю ўзаемавыгаднага супрацоўніцтва з Пакістанам. “НАН Беларусі распрацаваны Комплекс мер па развіцці супрацоўніцтва НАН Беларусі з арганізацыямі Ісламскай Рэспублікі Пакістан на 2016-2020 гг., у які ўключаны 9 праектаў, запланаваных да рэалізацыі сумесна з Пакістанскім саветам сельскагаспадарчых даследаванняў. Мы гатовы да таго, каб гэтыя праекты былі рэалізаваны ў бліжэйшы час”, - падкрэсліў Пётр Казакевіч.

У ходзе перагавораў былі абмеркаваны перспектывы развіцця беларуска-пакістанскага навукова-тэхнічнага супрацоўніцтва ў сферы аграрна-прамысловага комплексу. Сярод прапанаваных праектаў - абмен генрэсурсамі пладовых і ягадных культур і тэхналогіямі мінімізацыі страт ураджаю, глыбокай перапрацоўкі прадукцыі мяса-малочнай прамысловасці. Так, Навукова-практычны цэнтр НАН Беларусі па механізацыі сельскай гаспадаркі гатовы разгледзець пытанні арганізацыі пастаўкі ў Ісламскую Рэспубліку Пакістан запатрабаваных відаў сельскагаспадарчых машын, а таксама распрацаваць сістэму машын для інавацыйных тэхналогій вытворчасці сельскагаспадарчай прадукцыі з улікам глебава-кліматычных умоў Пакістана.

У сваю чаргу, першы намеснік міністра Міністэрства нацыянальнай харчовай бяспекі і даследаванняў Пакістана спадар Абід Джавед адзначыў, што Пакістан сёння зацікаўлены ў сельскагаспадарчым супрацоўніцтве, накіраваным на стварэнне сумесных прадпрыемстваў па вытворчасці мясной, малочнай прадукцыі з выкарыстаннем беларускіх тэхналогій.

Члены дэлегацыі азнаёмілася з дзейнасцю навукова-практычных цэнтраў Аддзялення аграрных навук НАН Беларусі, што дапаможа выпрацоўцы больш канкрэтных прапаноў па далейшым супрацоўніцтве.