Беларуская сельскагаспадарчая бібліятэка імя І.С, Лупіновіча НАН Беларусі запрашае 14 чэрвеня 2017 года на семінар “Навукова-тэхнічная інфармацыя ў базе даных “ProQuest Dissertation and Theses Global”...”. Семінар прызначаны для шырокага кола карыстальнікаў: вучоных і спецыялістаў навуковых арганізацый, супрацоўнікаў і выкладчыкаў універсітэтаў, аспірантаў і інш. зацікаўленых асоб.

Арганізатары семінара: ДУ “Беларуская сельскагаспадарчая бібліятэка імя І.С. Лупіновіча” НАН Беларусі і Кампанія ProQuest.

Дата і месца правядзення 14 чэрвеня 2017 г. (серада), вул. Казінца, д. 86, кв. 2, 220108, г. Мінск, Беларусь, канферэнц-зала БелСГБ, 1-ы паверх, каб. 112.

Час правядзення: з 12.00 да 14.00.

Вядучы семінара: Ганна Трыфанава, менеджар рэгіянальных праектаў ProQuest.

На семінары будуць разгледжаны магчымасці выкарыстання ў навуковай дзейнасці, тэматычная напоўненасць і функцыянальнасць найбуйнейшай у свеце базы даных дысертацый, пытанні аўтарскага права; прадэманстраваны магчымасці індывідуальнага пошуку і перавагі перадавых пошукавых інструментаў, індэксаў і тэзаўрусаў, многафасетны рух па прадметных рубрыках ProQuest Dissertations & Theses; дэталёва асветлены пытанні ўключэння дысертацый беларускіх вучоных у базу ProQuest Dissertations & Theses Global (патрабаванні да афармлення, умовы і спосабы размяшчэння і інш.).

Для ўдзелу ў семінары неабходна зарэгістравацца.