У Другім беларуска-кітайскім гуманітарным навуковым форуме “Праблемы спалучэння Эканамічнага пояса Шаўковага шляху і Еўразійскага эканамічнага саюза”, які пачаў сваю працу 15 чэрвеня 2017 года, прымаюць удзел больш за 120 прадстаўнікоў органаў дзяржаўнага кіравання, дыпламатычнага корпусу, навукова-даследчых арганізацый і ўстаноў вышэйшай адукацыі Рэспублікі Беларусь і Кітайскай Народнай Рэспублікі. Вучоныя і эксперты абмяркоўваюць механізмы забеспячэння эканамічнага росту і павышэння канкурэнтаздольнасці эканомік Беларусі і Кітая; развіццё навукова-тэхнічнага і гуманітарнага супрацоўніцтва і інш.

На адкрыцці форуму Старшыня Прэзідыума НАН Беларусі Уладзімір Гусакоў адзначыў, што акадэмічныя арганізацыі ўзаемадзейнічаюць з кітайскімі партнёрамі па самым шырокімі коле пытанняў – на кантрактнай аснове вядуцца сумесныя работы на суму больш за $4 млн. “Нацыянальная акадэмія навук надае асаблівае значэнне супрацоўніцтву ў сферы навукі с КНР. Сёння ў нас склаліся трывалыя навукова-тэхнічныя сувязі і стратэгічныя адносіны з многімі навуковымі арганізацыямі Кітая”, - адзначыў У. Гусакоў.