19 верасня 2017 года ў Нацыянальным прэс-цэнтры Рэспублікі Беларусь адбылася прэс-канферэнцыя на тэму “Перспектыўныя напрамкі развіцця галіны машынабудавання ў Рэспубліцы Беларусь. Новыя распрацоўкі і дасягненні беларускіх вучоных”. У мерапрыемстве, прысвечаным Дню машынабудаўніка, прынялі ўдзел Паддубка Сяргей Мікалаевіч - генеральны дырэктар ДНУ “Аб’яднаны інстытут машынабудавання Нацыянальнай акадэміі навук Беларусі” і Янкевіч Мікалай Рыгоравіч - Генеральны дырэктар ААТ “Прыборабудаўнічы завод Аптрон”.

Кіраўнікі арганізацый НАН Беларусі расказалі пра апошнія распрацоўкі вучоных у галіне машынабудавання і адказалі на шматлікія пытанні журналістаў.

На пляцоўцы КЗ “Мінск” на выставе найноўшых распрацовак НАН Беларусі ў галіне электратранспарту быў прадстаўлены першы беларускі электрамабіль і электравеласіпед.

Фота Нацыянальны прэс-цэнтр Рэспублікі Беларусь