31 студзеня 2018 года ў 18.00 у Новым драматычным тэатры (г. Мінск, вул. Лізы Чайкінай, 16) адбудзецца падпісанне пагаднення аб супрацоўніцтве Інстытута сацыялогіі НАН Беларусі і Грамадскай Палаты Саюзнай дзяржавы. Пагадненне прадугледжвае актыўны ўдзел беларускіх сацыёлагаў у даследчых праектах, звязаных з развіццём узаемавыгаднай і раўнапраўнай беларуска-расійскай інтэграцыі.

Падпісанне пройдзе ў рамках урачыстага мерапрыемства, прысвечанага падвядзенню вынікаў работы Грамадскай Палаты Саюзнай дзяржавы за першыя паўгода і ўзнагароджання беларускіх дзеячаў, якія ўнеслі значны ўклад у справу ўмацавання асноў Саюзнай дзяржавы.

У ходзе мерапрыемства некалькі дзясяткаў заслужаных беларусаў будуць узнагароджаны Ганаровымі граматамі Прэзідыума Грамадскай Палаты Саюзнай дзяржавы, медалямі Расійскага Саюза ветэранаў і іншых арганізацый.