1 лютага 2018 года ў 10.00 на базе РУП “Інстытут мяса-малочнай прамысловасці” НАН Беларусі (г. Мінск, пр-т Партызанскі, 172) адбудзецца адкрыццё міжнароднага навукова-практычнага семінара “Інавацыйныя тэхналогіі і абсталяванне для харчовай прамысловасці”. У рамках семінара плануецца праца секцый “Малочная прамысловасць” і “Півабезалькагольная галіна”.

У семінары прымуць удзел прадстаўнікі Міністэрства сельскай гаспадаркі і харчавання Рэспублікі Беларусь, канцэрна “Белдзяржхарчпрам”, спецыялісты прадпрыемстваў малочнай і піваварнай прамысловасці Беларусі, міжнародныя кампаніі-вытворцы абсталявання для харчовай прамысловасці (Расія, Чэхія, Польшча, Італія).

У ходзе семінара будуць разгледжаны праблемы малочнай галіны і піваварства, прадстаўлены даклады аналітыкаў малочнага і піўнога рынкаў. Таксама будзе прадстаўлены і разгледжаны на практычных прыкладах вопыт укаранення інавацыйных тэхналогій, які дазволіў прадпрыемствам аптымізаваць этапы вытворчага працэсу, паменшыць выдаткі на ўтылізацыю, пачаць вытворчасць новых прадуктаў, атрымаць канкурэнтныя перавагі і ў цэлым павысіць эканамічную эфектыўнасць вытворчасці прадукцыі.

Запрашаем прыняць удзел у мерапрыемстве! Праграма семінара прыкладаецца.