З 25 па 27 лютага 2018 г. у г. Абу-Дабі адбылася вядучая Міжнародная выстава беспілотных сістэм і трэнажораў UMEX 2018. Дадзенае мерапрыемства праводзілася пад патранажам наследнага прынца эмірата Абу-Дабі, намесніка Вярхоўнага галоўнакамандуючага ўзброенымі сіламі ААЭ шэйха Мухамада бен Зайед аль-Нахаяна і пры падтрымцы генеральнага штаба ўзброеных сіл ААЭ. Правядзенне падобнай выставы адлюстроўвае тэндэнцыю краін Блізкага Усходу і Паўночнай Афрыкі да інтэнсіўнага выкарыстання высокатэхналагічных сістэм, уключаючы беспілотныя комплексы. У выставе, якая праходзіла ў рамках Авіяцыйнага і Аэракасмічнага тыдня, прынялі ўдзел эксперты, даследчыкі і спецыялісты, якім былі прадэманстраваны актуальныя міжнародныя прадукты і навуковыя інавацыі ў беспілотнай тэхніцы. Сваю прадукцыю ў галіне авіяцыйных, марскіх і наземных беспілотных сістэм на выставе прадставілі звыш 120 прадпрыемстваў і кампаній з 34 краін на плошчы 17 тыс.кв.м.

Нацыянальную акадэмію навук Беларусі на выставе прадстаўляла рэспубліканскае ўнітарнае прадпрыемства “Навукова-вытворчы цэнтр шматфункцыянальных беспілотных комплексаў” Нацыянальнай акадэміі навук Беларусі. На статычнай экспазіцыі прадпрыемства ў выставачным цэнтры ADNEC дэманстраваліся мадэлі серыйна выпускаемых беспілотных лятальных апаратаў (БЛА) “Бусел М40”, “Бусел М50”, “Буравеснік”, “Буравеснік МБ”, БЛА на базе дырыжабля, стэнд па навучанні аператараў і аналізу тэлеметрыі БЛА, а таксама перспектыўная распрацоўка – БЛА “Ястраб” з павялічанай грузападымальнасцю да 120 кг. У наведвальнікаў выклікалі вялікую зацікаўленасць тэхналогіі стварэння і вытворчасці беспілотных авіяцыйных комплексаў рознага прызначэння, галіна іх прымянення, адзначаны высокі ўзровень і тактычныя характарыстыкі вырабляемых комплексаў.