Нацыянальная акадэмія навук Беларусі

16.05.2018

Інстытут філасофіі НАН Беларусі запрашае на семінар-абмеркаванне даклада Г.Г. Малінецкага

Інстытут філасофіі Нацыянальнай акадэміі навук Беларусі запрашае на пасяджэнне міждысцыплінарнага навуковага семінара “Філасофскія праблемы прыродазнаўства і тэхнікі”. Тэма даклада “Апакаліпсіс у прыродазнаўчанавуковым кантэксце і апакаліптыка 21 стагоддзя”. Дакладчык доктар фізіка-матэматычных навук Малінецкі Георгій Генадзьевіч.

Пасяджэнне адбудзецца 17 мая 2018 года ў 10:00 па адрасе: г. Мінск, вул. Сурганава, 1, корп. 2, аўд. 1110

Георгій Генадзевіч Малінецкі - доктар фізіка-матэматычных навук, загадчык аддзела мадэлявання нелінейных працэсаў Інстытута прыкладной матэматыкі імя М.В. Келдыша Расійскай акадэміі навук.

Найбольш вядомыя вынікі працы: тэорыя кіравання рызыкамі прыродных і тэхнагенных катастроф, канцэптуальныя і матэматычныя мадэлі развіцця адукацыйных сістэм, аналіз сучаснай навукова-тэхнічнай, адукацыйнай і інавацыйнай палітыкі ў свеце, тэорыя сеткавага ўзаемадзеяння ў навуковай супольнасці, тэорыя дыфузнага хаосу і складаных структур.

Адзін з вядучых спецыялістаў у галіне нелінейнай дынамікі, міждысцыплінарных даследаванняў, сінергетыкі, кіравання рызыкай і праектавання будучыні. Аўтар і суаўтар больш за 600 навуковых прац, выдадзеных у Расіі, ЗША. Г.Г. Малінецкі з’яўляецца лаўрэатам прэміі Урада РФ у галіне адукацыі, арганізатарам і віцэ-прэзідэнтам Нанатэхналагічнага таварыства Расіі, стваральнік і кіраўнік спецыялізацыі “нелінейныя працэсы” ў Маскоўскім фізіка-тэхнічным інстытуце.