Важным кампанентам навукова-даследчай дзейнасці з’яўляецца ўменне ствараць арыгінальныя ідэі, крытычна асэнсоўваць устояныя падыходы ў вырашэнні навуковых праблем, аптымізаваць працэс навуковых пошукаў. У сучасным інавацыйна арыентаваным грамадстве наватарства, творчы характар, крэатыўнасць выступаюць неад’емным спадарожнікам інжынернага, прыродазнаўчанавуковага і гуманітарнага мыслення. У фокусе майстар-класа знаходзіцца праблема актывізацыі крэатыўнасці асобы ў адзінстве такіх яе элементаў, як нестандартнае мысленне, ментальная гнуткасць, стрэсаўстойлівасць, вынаходніцтва, самаактуалізацыя. Прапануецца знаёмства з аўтарскай мадэллю крэатыўнасці і механізмамі яе ажыццяўлення, пабудаванай па замежных і айчынных аналагах.
Майстар-клас прызначаны для магістрантаў, аспірантаў, маладых вучоных, навуковых работнікаў, а таксама ўсіх, хто цікавіцца праблематыкай крэатыўнасці і асобаснага росту. Вядучы: кандыдат філасофскіх навук, дацэнт, спецыяліст у галіне логікі, тэорыі творчасці Дзмітрый Валянцінавіч Ермаловіч.
Для ўдзелу ў майстар-класе трэба зарэгістравацца ў анлайн-форме: https://goo.gl/forms/lvyIyJcopBlY3S2o2