На юбілейным пасяджэнні Савета МААН, якое прайшло 21 верасня 2018 года, з прывітальным словам да ўдзельнікаў звярнуўся кіраўнік МААН Уладзімір Гусакоў і Прэзідэнт Расійскай акадэміі навук Аляксандр Сяргееў. Кіраўнікі дэлегацый краін-удзельніц МААН разгледзелі пытанні супрацоўніцтва ў сферы фундаментальнай навукі, ахарактарызавалі ўклад кожнай з краін у развіццё Асацыяцыі, абмеркавалі перспектыўныя кірункі і механізмы функцыянавання ў каротка- і сярэднетэрміновай перспектыве. У.Гусакоў далажыў аб рабоце базавай акадэміі навук МААН - НАН Беларусі.

У склад МААН прыняты Кітайская акадэмія навук, Акадэмія навук правінцыі Цзянсу (КНР) і Чарнагорская акадэмія навук і мастацтваў.

На пасяджэнні прыняты шэраг пастаноў Савета МААН, якія тычацца становішча Асацыяцыі, яе навуковых саветаў, падрыхтоўкі 66-га бюлетэня МААН, афіцыйнага сайта Асацыяцыі і інш.

З нагоды 25-годдзя МААН членам Асацыяцыі ўручаны юбілейныя медалі.

Мерапрыемствы юбілейнай сесіі завяршыліся сімвалічнай цырымоніяй высадкі дрэў у Цэнтральным батанічным садзе НАН Беларусі. Удзельнікі дэлегацый высадзілі тры дзясяткі саджанцаў грэцкага арэха.