Нацыянальная акадэмія навук Беларусі

17.10.2018

У Інстытуце эксперыментальнай батанікі імя В.Ф.Купрэвіча пройдзе IX Міжнародная навуковая канферэнцыя “Рэгуляцыя росту, развіцця і прадуктыўнасці раслін”

24-26 кастрычніка 2018 года дзяржаўная навуковая ўстанова “Інстытут эксперыментальнай батанікі імя В.Ф.Купрэвіча Нацыянальнай акадэміі навук Беларусі” праводзіць IX Міжнародную навуковую канферэнцыю “Рэгуляцыя росту, развіцця і прадуктыўнасці раслін”.

Канферэнцыя арганізавана з мэтай абмеркавання пытанняў, якія маюць важнае навуковае і практычнае значэнне для абгрунтавання шляхоў максімальнай рэалізацыі патэнцыялу расліннага арганізма ў фарміраванні гаспадарча каштоўнай часткі ўраджаю, механізмаў устойлівасці да неспрыяльных фактараў асяроддзя на малекулярным, клеткавым, арганізмавым і цэнатычным узроўнях.

Асноўныя напрамкі работы канферэнцыі:

  • Рост, развіццё і прадуктыўнасць раслін, фітацэнозаў і штучных аграэкасістэм;
  • Фотасінтэз, дыханне, мінеральнае жыўленне і водны абмен раслін, сігнальныя сістэмы клетак вышэйшых раслін;
  • Стрэс і адаптацыя ў раслін, павышэнне іх устойлівасці з выкарыстаннем фізіялагічна актыўных рэчываў і біятэхналагічных прыёмаў.
  • Для ўдзелу ў рабоце канферэнцыі зарэгістравалася 124 чалавекі, якія прадстаўляюць навукова-даследчыя ўстановы, вышэйшыя навучальныя ўстановы і біятэхналагічныя цэнтры Беларусі, Расіі, Украіны, Літвы, Германіі, Сербіі, Таджыкістана і Ірана.

    Месца правядзення: Беларусь, г. Мінск, вул. Акадэмічная, 27, Інстытут эксперыментальнай батанікі НАН Беларусі.

    Праграма канферэнцыі