Нацыянальная акадэмія навук Беларусі

23.10.2018

Канферэнцыя, прысвечаная 100-годдзю заканчэння Першай сусветнай вайны пройдзе ў Мінску і Смаргоні

25 кастрычніка ў 10.00 у Інстытуце гісторыі НАН Беларусі (Мінск, вул. Акадэмічная, 1) пачне работу пленарнае пасяджэнне Міжнароднай навуковай канферэнцыі “Беларусь у полымі Першай сусветнай вайны (да 100-годдзя заканчэння Першай сусветнай вайны)”. У яе рабоце прымуць удзел Кіраўнік Прадстаўніцтва Федэральнага агенцтва па справах СНД у Рэспубліцы Беларусь (Рассупрацоўніцтва), саветнік Пасольства Расійскай Федэрацыі ў Рэспубліцы Беларусь; дыпламатычныя прадстаўнікі амбасад ЗША і ФРГ, акрэдытаваныя ў Рэспубліцы Беларусь; Кіраўнік Апарату Прэзідыума Грамадскай Палаты Саюзнай дзяржавы Беларусі і Расіі; намеснік старшыні Пастаяннай камісіі па заканадаўстве Палаты прадстаўнікоў Нацыянальнага сходу Рэспублікі Беларусь.

З навуковымі дакладамі па праблемах гісторыі Першай сусветнай вайны выступяць вучоныя з Беларусі, Расіі, Азербайджана, Францыі.

Адбудзецца прэзентацыя навуковых прац па гісторыі Першай сусветнай вайны: кнігі М. М. Смальянінава “Беларусь у Першай сусветнай вайне 1914-1918” і шматтомнай працы расійскіх вучоных “Першая сусветная вайна 1914-1918 гадоў”.

Будуць працаваць выставы “Першая сусветная вайна. Агульная гісторыя. Агульная памяць саюзнікаў па зброі” і “Першая сусветная вайна ў амерыканскім плакаце”.

26 кастрычніка навуковая канферэнцыя працягне сваю работу ў Смаргоні. Акрамя абагульняючых навуковых дакладаў на пленарным пасяджэнні ў гімназіі, прэзентацыі навуковых прац па гісторыі Першай сусветнай вайны і выставы фотамастака В. Багданава “Вайны застылыя імгненні”, адбудуцца паніхіда памяці ахвяр Першай сусветнай вайны ў капліцы мемарыяла па вул. Камінскага ў г. Смаргоні, мітынг-рэквіем “Войны далёкай журботныя старонкі”, а таксама рэканструкцыя ваенных дзеянняў на гістарычным аб’екце “Залатая горка”.