Калі размова заходзіць пра карысныя выкапні, мы разводзім рукамі. Маўляў, чаго няма, таго няма — бедныя нашы нетры. Але геолагі супраць такой пастаноўкі пытання. Стаўка ў галіне робіцца на інавацыі. Так, у самы бліжэйшы час на дапамогу геолагам павінен прыйсці суперкамп’ютар “Скіф-геа”, які ў аддаленым доступе зможа вырашыць цэлы шэраг задач, звязаных з геолагаразведкай. Паводле слоў намесніка генеральнага дырэктара Аб’яднанага інстытута праблем інфарматыкі НАН Беларусі Сяргея Круглікава, такі суперкамп’ютар зможа аператыўна ажыццяўляць разлікі, у тым ліку на радовішчах выкапняў.