У межах ХХХІ Мінскага міжнароднага кінафе-стывалю «Лістапад» у Доме літаратара адбыўся круглы стол «Вобразы Вялікай Перамогі ў літа-ратуры і кіно», прысвечаны 80-годдзю Перамогі ў Вялікай Айчыннай вайне. У мерапрыемстве прынялі ўдзел у тым ліку і супрацоўнікі аддзела экранных мастацтваў цэнтра навуковых даследаванняў беларускай культуры, мовы і літаратуры НАН Беларусі.

Галоўнай тэмай апошняга нумара часопіса «Нёман» за 2024 год стала тэма сям’і. Рубрыка «Дакументы. Нататкі. Успаміны» парадуе чытача цікавым матэрыялам Міколы Труса «Ад Адама і Марыі: генеалогія творчага прызнання Максіма Багдановіча». Артыкул змяшчае фотаздымкі з фондаў Літаратурнага музея Максіма Багдановіча, Цэнтральнай навуковай бібліятэкі НАН Беларусі.

Паглыбіцца ў свет скульптуры і архітэктуры ў сучасным гарадскім асяроддзі можна з дапамогай выставачнага праекта «Трыяда. Скульптура — архітэктура — горад» Нацыянальнага цэнтра сучасных мастацтваў. Канцэпцыя праекта распрацавана на аснове навуковага даследавання Ганны Садоўскай — куратара праекта, мастака, магістра мастацтвазнаўства, аспіранта Цэнтра даследаванняў беларускай культуры, мовы і літаратуры НАН Беларусі, члена Беларускага саюза мастакоў.