90 гадоў таму нарадзіўся кандыдат філалагічных навук Вячаслаў Чамярыцкі, адзін з самых дасведчаных айчынных медыявістаў, бліскучы знаўца даўняй літаратуры, нястомны шукальнік ісціны. Вячаслаў Чамярыцкі аддаў 50 гадоў Інстытуту літаратуразнаўства імя Янкі Купалы НАН Беларусі.

У Беларусі нядаўна адзначылі першы месяц працы новага складу парламента. Па выніках выбараў у прэсе загаварылі пра "апазіцыйных дэпутатаў", да ліку якіх адносяць і Алену Анісім, намесніка старшыні Таварыства беларускай мовы. Лічыцца, што парламентарый засяродзіць свае высілкі на пасоўванні беларускай культуры. Алена Анісім адказвае на шэраг пытанняў, у тым ліку адносна працы Нацыянальнай акадэміі навук Беларусі.