Сёлета споўнілася 140 год з дня нараджэння выдатнага вучонага Івана Замоціна, асобы неардынарнай, адметнай у гісторыі літаратуразнаўства і педагогікі. Асаблівую ўвагу член-карэспандэнт Акадэміі навук СССР, доктар філалагічных навук, прафесар, акадэмік Акадэміі навук БССР І. Замоцін надаваў творчасці Якуба Коласа, які сам быў вельмі ўдзячны даследчыку за глыбокі і грунтоўны аналіз.

Іван Штэйнер - знакаміты вучоны-літаратуразнавец, доктар філалагічных навук, прафесар, член-карэспандэнт Міжнароднай акадэміі Еўразіі, загадчык кафедры беларускай літаратуры Гомельскага дзяржаўнага ўніверсітэта імя Ф. Скарыны. Цыкл яго працаў «Беларуская літаратура ў славянскім і сусветным кантэксце» быў прызнаны лепшым даследваннем у галіне гуманітарных навук і адзначаны ў 2008 годзе Прэміяй Нацыянальнай акадэміі навук Беларусі.