Арганізацыі НАН Беларусі прымаюць удзел у Першай віртуальнай выставе беларускіх вытворцаў Made in Belarus #AgroFood

Першая віртуальная выстава беларускіх вытворцаў Made in Belarus #AgroFood пачала работу 16 чэрвеня 2020 года. На выставе можна азнаёміцца з прадукцыяй вядучых беларускіх прадпрыемстваў у галіне сельскай гаспадаркі і прадуктаў харчавання.

Ад НАН Беларусі ў мерапрыемстве прымаюць удзел:

Цэнтр святладыёдных і оптаэлектронных тэхналогій Нацыянальнай акадэміі навук Беларусі,

НПЦ НАН Беларусі па біярэсурсах,

НПЦ НАН Беларусі па механізацыі сельскай гаспадаркі,

Інстытут мікрабіялогіі НАН Беларусі,

НПЦ НАН Беларусі па земляробстве,

Інстытут біяарганічнай хіміі НАН Беларусі,

НПЦ НАН Беларусі па харчаванні,

Інстытут мяса-малочнай прамысловасці.

НАН Беларусі прадставіла распрацоўкі па наступных напрамках:

новыя гатункі селекцыі і насенняводства сельскагаспадарчых культур;

прамысловыя бія- і нанатэхналогіі для сельскай гаспадаркі;

глебагрунты, арганічныя ўгнаенні і экалагічна бяспечныя сродкі аховы раслін;

святладыёднае асвятленне сельскагаспадарчых культур ва ўмовах закрытага грунту прамысловых цяпліц;

святладыёдныя інтэлектуальныя сістэмы для птушкаводства;

фарміраванне сістэмы машын і навуковае суправаджэнне яе рэалізацыі;

стварэнне машынных тэхналагічных комплексаў;

тэхналогіі і вытворчасць прадуктаў функцыянальнага харчавання;

паслугі ў галіне навукова-тэхналагічнага забеспячэння мясной і малочнай прамысловасці.

Электронная пляцоўка выставы ўяўляе сабой інтэрактыўную экспазіцыю, якая складаецца з віртуальных стэндаў. На кожным стэндзе размешчаны віртуальныя ўзоры прадукцыі, відэаролікі, дзелавыя прапановы. Наведвальнікі стэндаў могуць паглядзець персанальнае відэапрывітанне і пагаварыць з прадстаўніком прадпрыемства праз тэкставы чат.

Спасылка на рэгістрацыю для ўваходу на выставу: https://mib.by/. Наведванне бясплатнае, рэгістрацыя абавязковая.

Віртуальная выстава працягне работу да 19 ліпеня 2020 года.

16.06.2020