З 25 па 27 жніўня 2022 года дэлегацыя НАН Беларусі ў складзе намесніка кіраўніка МААН, начальніка ўпраўлення аэракасмічнай дзейнасці апарата НАН Беларусі П. А. Віцязя і начальніка галоўнага ўпраўлення міжнароднага навукова-тэхнічнага супрацоўніцтва апарата НАН Беларусі У. В. Падкапаева знаходзілася ў Маскве (Расійская Федэрацыя) для работы па падрыхтоўцы 35-га пасяджэння Савета Міжнароднай асацыяцыі акадэмій навук, якое адбудзецца ў Маскве і Санкт-Пецярбургу 26 – 30 верасня 2022 года.

Мерапрыемства пройдзе на базе НДЦ «Курчатаўскі інстытут» і Маскоўскага дзяржаўнага ўніверсітэта пры ўдзеле ў якасці суарганізатара Расійскай акадэміі навук. У рамках візіту дэлегацыя наведала НДЦ «Курчатаўскі інстытут», МДУ і РАН, дзе адбылося дэталёвае абмеркаванне з адказнымі ад кіраўніцтва названых арганізацый шырокага спектра пытанняў падрыхтоўкі і правядзення 35-га пасяджэння Савета МААН.

Даведачна: У цяперашні час у склад МААН уваходзяць 25 буйных навуковых цэнтраў з 15 дзяржаў. У рамках МААН функцыянуюць 24 міжнародныя навуковыя саветы па перадавых напрамках развіцця навукі. З 2017 г. базавай акадэміяй навук МААН з’яўляецца Нацыянальная акадэмія навук Беларусі, кіраўніком МААН з’яўляецца Старшыня Прэзідыума НАН Беларусі акадэмік У. Р. Гусакоў.