8 верасня 2022 года адбылася цырымонія падпісання Пагаднення паміж Нацыянальнай акадэміяй навук Беларусі і China CAMC Engineering Co., Ltd. (КНР) аб стварэнні Прадстаўніцтва НАН Беларусі ў Пекіне. У цырымоніі прынялі ўдзел: ад НАН Беларусі – першы намеснік Старшыні Прэзідыума НАН Беларусі С. А. Чыжык, начальнік галоўнага ўпраўлення міжнароднага навукова-тэхнічнага супрацоўніцтва апарата НАН Беларусі У. В. Падкапаеў, загадчык сектара па развіцці супрацоўніцтва з КНР апарата НАН Беларусі Т. В. Лугавая, загадчык аддзела «Рэспубліканскі цэнтр трансферу тэхналогій» ДНУ «Цэнтр сістэмнага аналізу і стратэгічных даследаванняў НАН Беларусі» А. А. Успенскі; ад ААТ «Кітайская карпарацыя інжынірынгу САМС» – генеральны дырэктар Лі Хайсінь, дырэктар Дэпартамента па ўпраўленні Кітайска-Беларускім індустрыяльным паркам ААТ «Кітайская карпарацыя інжынірынгу САМС», начальнік Кантактнага аддзела Чжунгуаньцунь у Беларусі Лю Цзядань, дырэктар Дэпартамента па развіцці навукі і тэхналогій ААТ «Кітайская карпарацыя інжынірынгу САМС» Сунь Вэй, намеснік дырэктара ТАА «СІНАМАЧБЕЛ» Ху Бо; ад Пасольства КНР у Рэспубліцы Беларусь – саветнік па навукова-тэхнічных пытаннях Чжан Цзюй і першы сакратар Ян Цзюнькэ.
Асноўнай мэтай Пагаднення з’яўляецца падтрымка з абодвух бакоў працэсу камерцыялізацыі распрацовак НАН Беларусі на кітайскім рынку. У рамках дзейнасці Прадстаўніцтва, якое будзе функцыянаваць на тэрыторыі Навукова-тэхналагічнага парка Чжунгуаньцунь, прадугледжваецца падрыхтоўка сумесных праектаў у перадавых напрамках навуковай дзейнасці: новыя крыніцы энергіі і энергазабеспячэнне, інжынерна-будаўнічыя тэхналогіі, вытворчасць высокатэхналагічнага абсталявання, ахова навакольнага асяроддзя і перапрацоўка рэсурсаў, дакладныя прыборы і датчыкі, інтэгральныя схемы, біямедыцына, інфармацыйныя тэхналогіі, новыя матэрыялы, оптыка, а таксама пашырэнне камерцыйнага прымянення дасягненняў навукі і тэхнікі.
Таксама прадугледжваецца заключэнне кантрактаў на выкананне асобных відаў арганізацыйных работ беларускімі арганізацыямі. Адказнай арганізацыяй за рэалізацыю Пагаднення з беларускага боку назначаецца Цэнтр сістэмнага аналізу і стратэгічных даследаванняў НАН Беларусі.
