22 верасня 2022 г. Інстытут філасофіі НАН Беларусі праводзіць навукова-практычны семінар «Інструменты коўчынгу ў навуцы і адукацыі»
Яго мэта – пазнаёміць навуковую супольнасць у асобе маладых вучоных, аспірантаў, супрацоўнікаў НАН Беларусі з коўчынгам як эфектыўным інструментам раскрыцця творчага і інтэлектуальнага патэнцыялу чалавека, рэалізацыі яго магчымасцей, у тым ліку ў навуковай сферы. У тэматычных рамках семінара будзе раскрывацца паняцце навуковага коўчынгу, будуць разглядацца канкрэтныя коўчынгавыя методыкі і прыёмы, якія могуць выкарыстоўваць маладыя вучоныя пры напісанні дысертацыйнага даследавання і іншых навуковых работ. Будзе асвятляцца тэма прымянення коўчынгу на ўзроўнях агульнай сярэдняй і прафесійнай адукацыі для актуалізацыі крэатыўных здольнасцей навучэнцаў.

Семінар носіць прыкладны характар, таму ў дакладах прагучаць адказы на актуальныя для вучоных пытанні: як пераадолець абмежаванні творчага мыслення з дапамогай коўчынгу, як прымяненне коўчынгу дапамагае выявіць абмежавальныя ўстаноўкі, што тармозяць працэс напісання дысертацыйнай работы, праекта або артыкула, як пры дапамозе коўчынгу перайсці ад слоў да дзеянняў і пераадолець пракрастынацыю.

У рабоце семінара прымуць удзел вучоныя і педагогі, якія практыкуюць коўчынгавыя метады ў навукова-адукацыйным працэсе. Месца правядзення: г. Мінск, вул. Сурганава, д. 1, корп. 2, 11-ы паверх, аўд. 1110. Пачатак семінара ў 14:00.

Пазнаёміцца з праграмай семінара можна па спасылцы
. Для атрымання спасылкі на анлайн трансляцыю мерапрыемства пакіньце, калі ласка, свае кантакты, і незадоўга да пачатку арганізатары вышлюць спасылку для падключэння https://forms.yandex.ru/cloud/6328205a757113cc5011f055/.
Адказны за правядзенне семінара: Алена Згіроўская +375-29-663607.