Паважаныя калегі! Дарагія сябры!

2022 становіцца гісторыяй. У жыцці айчыннай навукі ён быў яркім, насычаным і напружаным. Дазволіў прасунуцца па ўсіх напрамках, вырашыць важныя і часам амбіцыйныя задачы, атрымаць навуковыя вынікі прыярытэтнага ўзроўню.

У 2022 годзе мы годна адзначылі 100-годдзе Беларускай акадэмічнай навукі і Інстытута беларускай культуры, устанавілі, што Дзень НАН Беларусі будзе цяпер адзначацца штогод 13 кастрычніка. Менавіта ў гэты дзень у 1928 годзе была прынята пастанова Цэнтральнага Выканаўчага камітэта і Савета народных Камісараў БССР аб рэарганізацыі Інбелкульта ў Беларускую акадэмію навук. У адыходзячым годзе мы правялі першую выстаўку-форум ІТ-Акадэмграда «Штучны інтэлект у Беларусі», на якой было прадстаўлена больш за 100 распрацовак, якія паказалі розныя бакі такога шматмернага паняцця, як «штучны інтэлект». Нацыянальная акадэмія навук Беларусі здабыла ўласны Універсітэт, умацавала сувязі з партнёрамі з Расіі і Кітая, многія навуковыя арганізацыі паказалі рост у аб’ёмах вытворчасці, а новыя кіраўнікі сталі на чале інстытутаў і аддзяленняў навук. Адным з стрыжняў працы навукоўцаў-гуманітарыяў стаў Год гістарычнай памяці. У сувязі з гэтым падрыхтаваны і апублікаваны новыя выданні, атрымала яркі працяг агульнарэспубліканская акцыя «Народны летапіс: успомніць усіх!», ініцыятарам якой стала Акадэмія навук. Конкурсы, якія праводзяцца ў НАН Беларусі, дазволілі не толькі падтрымаць найлепшых калег, але і адкрыць новыя імёны і таленты.

Беларуская навука ўжо даўно з’яўляецца вядучай прадукцыйнай сілай, а Нацыянальная акадэмія навук стала брэндам і неад’емным атрыбутам краіны. Ніводная значная падзея не абыходзіцца без удзелу навукоўцаў. Таму цалкам заканамерна, што грамадства пастаянна цікавіцца станам айчыннай навукі. Нашай рабоце асаблівую ўвагу надае Прэзідэнт Рэспублікі Беларусь і кіраўніцтва краіны. І таму пацвярджэнне — шэраг сустрэч, якія прайшлі з удзелам акадэмічных навукоўцаў. Усё гэта накладае асаблівую адказнасць.

Сёння, ва ўмовах санкцыйнага ціску, распрацоўкі беларускіх навукоўцаў асабліва запатрабаваныя як унутры краіны, так і ў дружалюбных нам дзяржавах, што адкрыла новыя маштабныя магчымасці. Палітыка імпартазамяшчэння, у тым ліку і ў навуцы, яшчэ раз даказала сваю актуальнасць і эфектыўнасць.

Жыццё ставіць перад навукоўцамі новыя і новыя задачы. Намячаецца, што 2023 год будзе не менш напружаным, яркім і, спадзяюся, паспяховым. Менавіта ў новым годзе мы адзначым 95-годдзе Нацыянальнай акадэміі навук. Новымі вынікамі.

Дарагія сябры!
Ад імя Прэзідыума НАН Беларусі і ад сябе асабіста ад усёй душы сардэчна віншую вас з надыходзячым Новым 2023-м годам і светлым святам Нараджэння Хрыстовага! Пачатак года — час новых надзей, поспехаў і перамог. Якім будзе надыходзячы год, залежыць ад кожнага з нас. Жадаю вам і вашым сем’ям міру, здароўя, невычэрпнай энергіі і аптымізму, шчасця, цяпла і дабрабыту, поспехаў у справах і пачынаннях у імя высакароднай мэты – росквіту нашай любімай Радзімы!
З Новым годам!

З павагай,
Уладзімір Гусакоў,
Старшыня Прэзідыума
Нацыянальнай акадэміі
навук Беларусі, акадэмік