27 снежня 2022 года на пасяджэнні Прэзідыума РАН адбылося ўручэнне дыплома замежнага члена РАН акадэміку НАН Беларусі Сяргею Якаўлевічу Кіліну. Дыплом уручыў прэзідэнт РАН акадэмік РАН Генадзь Краснікаў. 15 лістапада 2019 года агульны сход Расійскай акадэміі навук выбраў замежнымі членамі РАН выдатных замежных навукоўцаў, сярод якіх вядомы вучоны Беларусі, прафесар, доктар фізіка-матэматычных навук, навуковы кіраўнік Цэнтра квантавай оптыкі і квантавай інфарматыкі Інстытута фізікі імя Б. І. Сцяпанава НАН Беларусі, акадэмік Сяргей Кілін.