12 мая 2023 года ў 15.30 у Цэнтральнай навуковай бібліятэцы імя Якуба Коласа НАН Беларусі (вул. Сурганава, 15) у рамках праекта ДНУ «Інстытут філасофіі НАН Беларусі» «Навука мастацтва і мастацтва навукі» адкрыецца мерапрыемства, на якім будзе арганізавана выстаўка мастацкіх твораў і лічбавых арт-аб’ектаў «КЛАСІКА & ЛІЧБАВАЕ МАСТАЦТВА», а таксама пройдзе адкрытая лекцыя «СПАКУШЭННЕ ШТУЧНЫМ ІНТЭЛЕКТАМ, ЧАЛАВЕК І ТВОРЧАСЦЬ».

З 15.30 да 18.30 адбудзецца выстаўка «КЛАСІКА & ЛІЧБАВАЕ МАСТАЦТВА», на якой будуць прадстаўлены мастацкія творы навуковага супрацоўніка Інстытута філасофіі НАН Даронінай Святланы Генадзьеўны і лічбавыя арт-аб’екты загадчыка аддзела філасофіі інфармацыйных і кагнітыўных працэсаў, кандыдата філасофскіх навук, дацэнта Калеснікава Андрэя Вітальевіча. Дадаткова гледачы змогуць пазнаёміцца з аўтарамі мастацкіх і лічбавых твораў, даведацца аб канцэпцыі выстаўкі, аб спецыфіцы і ідэях стварэння Digital Art і іх сувязі з навуковымі даследаваннямі космасацыядынамікі, матэматычнымі формуламі і камп’ютарнымі мадэлямі, што дапаўняе тэму лекцыі і паглыбляе яе разуменне.

У 16.00–17.00 пачнецца адкрытая лекцыя «СПАКУШЭННЕ ШТУЧНЫМ ІНТЭЛЕКТАМ, ЧАЛАВЕК І ТВОРЧАСЦЬ» дырэктара Цэнтра тэхналагічнай падтрымкі адукацыі (ЦТПА) Маскоўскага Політэхнічнага ўніверсітэта, кандыдата тэхналагічных навук, дацэнта, куратара адукацыйных праграм «Science-Art» у Маскоўскім Палітэху і выставачных праектаў Science-Art, ганаровага работніка сферы адукацыі РФ Вольнава Ільі Мікалаевіча. У лекцыі будуць абмяркоўвацца праблемы развіцця штучнага інтэлекту (ШІ), яго ўплыву на жыццё, творчасць, свядомасць чалавека, чалавека, яго сацыяльна-культурныя і паўсядзённыя практыкі. Разгледжаны розныя сцэнарыі развіцця: вобразы будучыні са штучным інтэлектам і без яго, цесна звязаныя з вызначэннем феномену свядомасці, роляй ШІ, межамі яго прымянення ў жыццядзейнасці чалавека.

Па ўсіх дадатковых пытаннях звяртацца па тэлефоне + 375259789074; e-mail: svetadoris@mail.ru Дароніна Святлана