12 мая 2023 г. у Цэнтральнай навуковай бібліятэцы імя Якуба Коласа НАН Беларусі ў рамках праекта ДНУ «Інстытут філасофіі Нацыянальнай акадэміі навук Беларусі» «Навука мастацтва і мастацтва навукі» адбылася выстаўка мастацкіх твораў і лічбавых арт-аб’ектаў «Класіка & Лічбавае мастацтва», а таксама прайшла адкрытая лекцыя «Спакушэнне штучным інтэлектам, чалавек і творчасць».

У лекцыі, якую правёў дырэктар Цэнтра тэхналагічнай падтрымкі адукацыі (ЦТПА) Маскоўскага політэхнічнага ўніверсітэта, кандыдат тэхналагічных навук, дацэнт, куратар адукацыйных праграм «Science-Art» у Маскоўскім палітэху і выставачных праектаў Science-Art, ганаровы супрацоўнік сферы адукацыі РФ Ілья Вольнаў, абмяркоўваліся праблемы развіцця штучнага інтэлекту, яго ўплыву на жыццё, творчасць, свядомасць чалавека, чалавека, яго сацыяльна-культурныя і паўсядзённыя практыкі. Былі зроблены інтэрпрэтацыі творчага працэсу з улікам параўнання моцных і слабых бакоў ШІ і чалавечай свядомасці, прадэманстраваны іх адлюстраванні ў навуковай і мастацкай дзейнасці ва ўмовах сучаснага тэхнакратычнага развіцця грамадства. Таксама былі прадстаўлены на разгляд прыклады і аб’екты мастацтва з розных сфер культуры, створаныя на аснове між- і трансдысцыплінарных падыходаў, якія адлюстроўваюць моцныя бакі чалавечай свядомасці і яе бясконцы патэнцыял у параўнанні з ШІ.

На выстаўцы былі прадстаўлены мастацкія творы навуковага супрацоўніка Інстытута філасофіі Святланы Даронінай і лічбавыя арт-аб’екты загадчыка аддзела філасофіі інфармацыйных і кагнітыўных працэсаў Інстытута філасофіі, кандыдата філасофскіх навук, дацэнта Андрэя Калеснікава. Гледачы пазнаёміліся з аўтарамі мастацкіх і лічбавых твораў, даведаліся аб канцэпцыі выстаўкі, аб спецыфіцы і ідэях стварэння Digital Art і іх сувязі з навуковымі даследаваннямі космасацыядынамікі, матэматычнымі формуламі і камп’ютарнымі мадэлямі.