Вучоныя НАН Беларусі ўдастоены звання «Ганаровы доктар Сібірскага аддзялення Расійскай акадэміі навук».
Высокі тытул атрымалі акадэмікі Пётр Аляксандравіч Віцязь і Аляксандр Аляксандравіч Міхалевіч. П. А. Віцязь — начальнік упраўлення аэракасмічнай дзейнасці НАН Беларусі, галоўны навуковы супрацоўнік лабараторыі нанаструктурных матэрыялаў і звышцвёрдых матэрыялаў Аддзялення тэхналогій машынабудавання і металургіі Аб’яднанага інстытута машынабудавання НАН Беларусі, выдатны вучоны ў галіне распрацоўкі новых матэрыялаў, тэхналогій і машынабудавання, таленавіты кіраўнік і арганізатар навукі і вытворчасці. А. А. Міхалевіч — загадчык лабараторыі «Энергабяспека» і навуковы кіраўнік Інстытута энергетыкі НАН Беларусі, буйны спецыяліст у галіне цеплафізікі і энергетыкі, заслужаны энергетык Рэспублікі Беларусь.