27 ліпеня 2023 года ў Нацыянальным Прэс-цэнтры Рэспублікі Беларусь адбылася прэс-канферэнцыя на тэму «Новыя аграпрамысловыя тэхналогіі: уклад беларускіх вучоных у развіццё сельскай гаспадаркі». У мерапрыемстве прынялі ўдзел: Комлач Дзмітрый Іванавіч – генеральны дырэктар РУП «НПЦ НАН Беларусі па механізацыі сельскай гаспадаркі», Будзевіч Аляксандр Іванавіч – намеснік генеральнага дырэктара па навуковай рабоце РУП «НПЦ Нацыянальнай акадэміі навук Беларусі па жывёлагадоўлі», Лужынскі Дзмітрый Уладзіміравіч – намеснік генеральнага дырэктара па навуцы РУП «НПЦ НАН Беларусі па земляробстве», Чайкоўскі Андрэй Іванавіч – намеснік генеральнага дырэктара па навуковай рабоце РУП «НПЦ НАН Беларусі па бульбаводстве і плодаагародніцтве», Зайчанка Дзмітрый Аляксандравіч – намеснік генеральнага дырэктара па навуковай і інавацыйнай рабоце РУП «НПЦ НАН Беларусі па харчаванні».

Прадстаўнікі навукова-практычных цэнтраў Аддзялення аграрных навук НАН Беларусі расказалі пра апошнія распрацоўкі вучоных у галіне аграпрамысловых тэхналогій.

Генеральны дырэктар РУП «НПЦ НАН Беларусі па механізацыі сельскай гаспадаркі» Дзмітрый Комлач адзначыў: «Забеспячэнне насельніцтва і нашай рэспублікі якаснымі і даступнымі прадуктамі харчавання, нарошчванне экспартнага патэнцыялу з’яўляецца асноўнай задачай аграрнай галіны, рашэнне якой шмат у чым залежыць ад тэхніка-тэхналагічнага ўзроўню вытворчасці, эфектыўнага прымянення сучасных сродкаў механізацыі, укаранення новых метадаў і прыёмаў выканання сельгасработ. Асноўны ўпор у развіцці сельгасвытворчасці павінен быць зроблены на больш эфектыўнае выкарыстанне інавацыйных распрацовак, пераходу да канцэпцыі дакладнага земляробства і дакладнай жывёлагадоўлі, што дазволіць павышаць прадукцыйнасць сартоў і парод жывёлы блізка да іх біялагічнага патэнцыялу».

Намеснік генеральнага дырэктара па навуцы РУП «НПЦ НАН Беларусі па земляробстве» Дзмітрый Лужынскі расказаў пра новыя сарты сельскагаспадарчых раслін. З іх можна адзначыць азімы трыцікале збожжафуражнага напрамку «Медэа» з ураджайнасцю да 100 ц/га.

Андрэй Чайкоўскі, намеснік генеральнага дырэктара па навуковай рабоце РУП «НПЦ НАН Беларусі па бульбаводстве і плодаагародніцтве», галоўнай задачай навуковых арганізацый Цэнтра вылучыў навуковае забеспячэнне курыравання галін раслінаводства. Адзін з прыярытэтных напрамкаў – наяўнасць шырокага асартыменту сартоў сельскагаспадарчых культур як для ўжывання ў свежым выглядзе, так і для вытворчасці сыравіны для перапрацоўчых прадпрыемстваў.

Намеснік генеральнага дырэктара па навуковай рабоце РУП «НПЦ Нацыянальнай акадэміі навук Беларусі па жывёлагадоўлі» Аляксандр Будзевіч падзяліўся найбольш важкімі распрацоўкамі і перспектыўнымі праектамі ў сферы жывёлагадоўлі.

Зайчанка Дзмітрый, намеснік генеральнага дырэктара па навуковай і інавацыйнай рабоце РУП «НПЦ НАН Беларусі па харчаванні», расказаў пра распрацоўкі прадукцыі для дзіцячага харчавання, стварэнне тэхналогій і вытворчасці прадуктаў харчавання дыетычнага, прафілактычнага і спецыяльнага прызначэння.

На заканчэнне навукоўцы адказалі на шматлікія пытанні журналістаў.