У рамках праграмы знаходжання дэлегацыі Акадэміі навук Рэспублікі Башкартастан на чале з яе прэзідэнтам Рамазанавым К. Н. 27–28 лістапада 2023 г. адбылося наведванне шэрагу арганізацый НАН Беларусі: ДНУ «Фізіка-тэхнічны інстытут НАН Беларусі», ДНУ «Інстытут хіміі новых матэрыялаў НАН Беларусі», ДНУ «Інстытут фізіка-арганічнай хіміі НАН Беларусі», ЗАТ «АТК», ДНВА «НПЦ НАН Беларусі па матэрыялазнаўстве», ДНВА парашковай металургіі, ДНУ «Інстытут цепла- і масаабмену імя А. В. Лыкава НАН Беларусі», ДНУ «Цэнтр даследаванняў беларускай культуры, мовы і літаратуры НАН Беларусі», ДНУ «Інстытут гісторыі НАН Беларусі», РУП «НПЦ НАН Беларусі па харчаванні», РНДУП «Інстытут абароны раслін», РНДУП «Інстытут глебазнаўства і аграхіміі». Члены дэлегацыі дэталёва азнаёміліся з перадавымі распрацоўкамі арганізацый НАН Беларусі ў галіне тэхнічных, гуманітарных і аграрных навук.

Бакі дамовіліся аб арганізацыі сумесных відэасемінараў у найбліжэйшай перспектыве з мэтай абмеркавання ходу рэалізацыі сумесных праектаў у рамках Плана мерапрыемстваў па развіцці навукова-тэхнічнага супрацоўніцтва НАН Беларусі і Акадэміі навук Рэспублікі Башкартастан на 2023–2025 гады, падпісанага ў рамках мерапрыемстваў X Форуму рэгіёнаў Беларусі і Расіі ў г. Уфе ў чэрвені 2023 г. Таксама дасягнута дамоўленасць аб падрыхтоўцы ў 2024 годзе сумеснага выдання «Башкіры ў Беларусі і беларусы ў Башкартастане».

Па выніках візіту з улікам наяўнага генеральнага пагаднення аб супрацоўніцтве паміж НАН Беларусі і АН Рэспублікі Башкартастан падпісана пагадненне аб навукова-тэхнічным супрацоўніцтве паміж ДНУ «Інстытут хіміі новых матэрыялаў НАН Беларусі» і ДБНУ «Акадэмія навук Рэспублікі Башкартастан», якое рэгламентуе далейшыя крокі па развіцці навукова-тэхнічнага супрацоўніцтва ў галіне нафтахіміі.