1 лютага 2024 года ў НАН Беларусі адбылася нарада з прадстаўнікамі дзяржаўных заказчыкаў праграм і мерапрыемстваў Саюзнай дзяржавы ад Рэспублікі Беларусь з прадстаўнікамі міністэрстваў і ведамстваў Рэспублікі Беларусь — дзяржаўных заказчыкаў праграм і мерапрыемстваў Саюзнай дзяржавы ў сферах абароны, бяспекі, праваахоўнай дзейнасці, абаронна-прамысловага, ваенна-тэхнічнага супрацоўніцтва. У ходзе нарады былі падведзены вынікі выканання праграм і мерапрыемстваў у названых галінах, уключаючы асваенне сродкаў бюджэту Саюзнай дзяржавы ў 2023 годзе. Быў разгледжаны таксама ход падрыхтоўкі пытанняў, якія плануюцца да ўнясення ў Савет Міністраў Саюзнай дзяржавы ў 2024 годзе.

Як расказаў перад нарадай прадстаўнікам сродкаў масавай інфармацыі намеснік Дзяржаўнага сакратара Саюзнай дзяржавы Аляксей Кубрын, у 2024 годзе плануецца адначасовая рэалізацыя дзевяці навукова-тэхнічных саюзных праграм. Што тычыцца аб’ёмаў фінансавання, у гэтым годзе было зацверджана павышэнне фінансавання на 38 %. У 2024 годзе плануецца рэалізоўваць шэсць з сямі праграм з мінулага года. У прыватнасці, гэта тры праграмы ў галіне нацыянальнай бяспекі. Таксама сёлета будуць рэалізоўваць тры высокатэхналагічныя праграмы: «Распрацоўка перспектыўных базавых тэхналагічных працэсаў атрымання функцыянальных матэрыялаў, структур, кампанентаў і модуляў для высокаэфектыўных вырабаў фатонікі ў Саюзнай дзяржаве» («Кампанент-Ф»), «Распрацоўка базавых элементаў арбітальных і наземных сродкаў у інтарэсах стварэння шматспадарожнікавых груповак малапамерных касмічных апаратаў назірання зямной паверхні і калязямной касмічнай прасторы» («Комплекс-СД»), а таксама «Распрацоўка інтэлектуальных высокатэхналагічных лічбавых і электронных кампанентаў і сістэм для аўтатранспартных сродкаў спецыяльнага і падвойнага прызначэння» («Інтэлаўто»). Па словах намесніка дзяржсакратара, на нарадзе ў НАН Беларусі ўпершыню былі разгледжаны новыя высокатэхналагічныя праекты. Усе праекты і праграмы, якія будуць выносіцца на зацвярджэнне, будуць разгледжаны ў рамках ужо бюджэту, які ўжо існуе, дадаў Аляксей Кубрын. Акрамя гэтага, чакаецца, што да іх дададуцца яшчэ тры — у галіне ўдасканалення інфармацыйных рэсурсаў, працягвання працы па ліквідацыі наступстваў катастрофы на ЧАЭС, а таксама праграма ў галіне аховы здароўя «Саюз-Біямембраны». «Мы разлічваем, што сёлета адначасова будзе рэалізоўвацца дзевяць саюзных праграм», — заявіў Аляксей Кубрын.