21 сакавіка 2024 года ў Нацыянальным дзіцячым тэхнапарку адбыўся Гранд-фінал 13-га сезона Рэспубліканскага маладзёжнага праекта «100 ідэй для Беларусі». Маладыя вучоныя НАН Беларусі — аўтары 22 праектаў змагаліся за пераможныя месцы ў дзесяці намінацыях. У рабоце журы прыняў удзел намеснік Старшыні Прэзідыума НАН Беларусі акадэмік Аляксандр Кільчэўскі, акадэмікі-сакратары Аддзяленняў навук НАН Беларусі, кіраўнікі арганізацый.

Усяго ў экспазіцыю выставы-прэзентацыі ўвайшоў 171 аўтарскі праект пераможцаў абласных, Мінскага гарадскога адборачных тураў, адбору НАН Беларусі і шматступеньчатых адбораў Міністэрства адукацыі.

Па выніках работы журы 8 праектаў ад Акадэміі навук прызнаныя найлепшымі на фінале 13 сезона праекта «100 ідэй для Беларусі».

Вось імёны пераможцаў па намінацыях:

«Энергетыка, уключаючы атамную энергетыку і энергаэфектыўнасць»

Рудзянкоў Івантон, навуковы супрацоўнік АІЭЯІ — «Сосны» (Даследаванне магчымасці спектральнага рэгулявання рэактара ВВЭР-1200)

«Аграпрамысловыя тэхналогіі і фермерства»

Кавалёва Вікторыя, малодшы навуковы супрацоўнік Інстытута мяса-малочнай прамысловасці, Бандарэнка Юрый, вядучы інжынер-тэхнолаг ААТ «Малочны свет» (Безлактозны сыр — унікальны малочны прадукт)

«Прамысловыя і будаўнічыя тэхналогіі»

Усава Вікторыя, малодшы навуковы супрацоўнік Інстытута механікі металапалімерных сістэм імя У. А. Белага НАН Беларусі (Стварэнне высокатэхналагічных кампазіцыйных матэрыялаў на аснове палімерных адходаў і прадуктаў рэцыклінгу шын для вытворчасціа вырабаў будаўнічага прызначэння)

«Хімічныя тэхналогіі, нафтахімія»

Крытчанкаў Ілья, старшы навуковы супрацоўнік, Голубеў Раман, малодшы навуковы супрацоўнік, Семянкова Дар’я, Салоха Дарына, інжынеры-даследчыкі Інстытута тэхнічнай акустыкі НАН Беларусі (Люмінесцэнтны экспрэс-сэнсар метанолу)

«Экалогія»

Хархасава Ірына, малодшы навуковы супрацоўнік Інстытута лесу НАН Беларусі (Вырошчванне сеянцаў хвоі звычайнай з выкарыстаннем грыбоў-мікарызаўтваральнікаў)

«Інфармацыйна-камунікацыйныя тэхналогіі»

Вараб’ёў Даніла, стажор малодшага навуковага супрацоўніка, Рэут Ксенія, студэнт (БДУ), Карпенка Ганна, навуковы супрацоўнік Аб’яднанага інстытута праблем інфарматыкі НАН Беларусі (Праграма для генерацыі патэнцыйных лекаў)

«Грамадства і сацыяльная сфера»

Падбярозкін Філіп, старшы навуковы супрацоўнік Цэнтральнай навуковай бібліятэкі НАН Беларусі (Першы рускі пераклад «Вялікага мастацтва артылерыі» (1650) К. Семяновіча)

«Найлепшая бізнес-ідэя»

Шпарло Дзмітрый, начальнік канструктарска-тэхналагічнага аддзела, Янкевіч Сцяпан, намеснік генеральнага дырэктара ААТ «Прыборабудаўнічы завод Аптрон» (Беларускі электраматацыкл).

У намінацыі «Ахова здароўя» найлепшым прызнаны праект

«Біясумяшчальнае антыбактэрыяльйнае пакрыццё для сінтэтычных сасудзістых пратэзаў» (суаўтар – Каваленка Міхаіл, малодшы навуковы супрацоўнік Інстытута механікі металапалімерных сістэм імя У. А. Белага НАН Беларусі)