Галоўнай тэмай сумеснага пасяджэння сталі стан і перспектывы развіцця супрацоўніцтва паміж НАН Беларусі і СА РАН. З дакладамі па гэтым пытанні выступілі намеснік Старшыні Прэзідыума НАН Беларусі Сяргей Кілін і Старшыня СА РАН Аляксандр Асееў. Падчас мерапрыемства былі заслуханы даклады аб сумесных працах. Сярод пытанняў, якія абмеркавалі навукоўцы - вынікі і перспектывы рэалізацыі сумесных праектаў паміж навуковымі арганізацыямі НАН Беларусі і СА РАН, расійска-беларускае супрацоўніцтва ў галіне нафта- і лесахімічных тэхналогій, інавацыйных біяінжынерных тэхналогій, генетыкі і цыталогіі, лазернай фізікі, сумесныя распрацоўкі тэхналогій глыбокай перапрацоўкі торфу ў інтарэсах розных галін народнай гаспадаркі.
Асаблівы акцэнт у ходзе сумеснага пасяджэння быў зроблены на развіцці супрацоўніцтва ў рамках праграм Саюзнай дзяржавы. Гаворка ішла аб падрыхтоўцы навуковых кадраў, правядзенні навуковых канферэнцый, стварэнні сумесных навуковых падраздзяленняў і сумесных прадпрыемстваў. Усе прапановы, якія паступілі ў ходзе пасяджэння, было вырашана ўлічыць пры падрыхтоўцы праекта Пастановы сумеснага пасяджэння прэзідыумаў НАН Беларусі і СА РАН.
Для каардынацыі дзейнасці НАН Беларусі і СА РАН будзе створана сумесная рабочая група.
