Старшыня Прэзідыума НАН Беларусі Уладзімір Рыгоравіч Гусакоў уручыў рэктару Беларускага дзяржаўнага ўніверсітэта, доктару тэхнічных навук, прафесару, акадэміку Сяргею Уладзіміравічу Абламейку вышэйшую ўзнагароду Нацыянальнай акадэміі навук Беларусі - нагрудны знак “Залаты медаль Нацыянальнай акадэміі навук Беларусі” За вялікі ўклад у развіццё навукі “.

С.У. Абламейка ўдастоены ўзнагароды “за вялікі ўклад у развіццё тэорыі і метадаў апрацоўкі і распазнавання выяў, прынцыпаў пабудовы аўтаматызаваных сістэм апрацоўкі графічнай інфармацыі, шматгадовую плённую навуковую, навукова-арганізацыйную і педагагічную дзейнасць”, згодна з Пастановай Прэзідыума НАН Беларусі № 53 ад 11 кастрычніка 2016 г.

У час урачыстай цырымоніі Старшыня Прэзідыума НАН Беларусі У.Р. Гусакоў падкрэсліў вялікі ўклад акадэміка С.У. Абламейкі ў развіццё айчыннай навукі і выказаў пажаданне аб неабходнасці пашырэння ўзаемавыгаднага сумеснага супрацоўніцтва вучоных НАН Беларусі і БДУ. У сваю чаргу, С.У. Абламейка падкрэсліў вялікую ролю НАН Беларусі ў станаўленні яго як вучонага і грамадзяніна.