Нацыянальная акадэмія навук Беларусі

23.05.2017

НАН Беларусі і Мангольская акадэмія навук падпішуць Пагадненне аб супрацоўніцтве

24 мая 2017 года (серада) адбудзецца падпісанне Пагаднення аб супрацоўніцтве паміж НАН Беларусі і Мангольскай акадэміяй навук. 22-26 мая 2017 года ў НАН Беларусі знаходзіцца з візітам прэзідэнт Мангольскай акадэміі навук Дугэр Рэгдэл. Гэта першы візіт кіраўніка Мангольскай акадэміі навук у Рэспубліку Беларусь. Дугэр Рэгдэл прыбыў у Мінск па запрашэнні кіраўніцтва НАН Беларусі. Галоўная мэта візіту - правядзенне перамоў з кіраўніцтвам НАН Беларусі аб перспектыўных напрамках супрацоўніцтва ў галіне навукі і тэхналогій, падпісанне Пагаднення аб супрацоўніцтве паміж НАН Беларусі і Мангольскай акадэміяй навук.

Плануецца, што прэзідэнт Мангольскай акадэміі навук наведае шэраг навуковых устаноў НАН Беларусі: ДНУ “Інстытут мікрабіялогіі НАН Беларусі”, ДНУ “Інстытут прыродакарыстання НАН Беларусі”, НПЦ НАН Беларусі па земляробстве, ДНУ “Інстытут фізіка-арганічнай хіміі НАН Беларусі”, ДНУ “Інстытут генетыкі і цыталогіі НАН Беларусі”, ДНУ “Цэнтральны батанічны сад НАН Беларусі”, ДНУ “Інстытут біяфізікі і клетачнай інжынерыі НАН Беларусі”, ДНУ “Інстытут эксперыментальнай батанікі НАН Беларусі”.

24 мая 2017 г. (серада)
10:45 - 12:00 - наведванне пастаянна дзеючай выставы НАН Беларусі “Дасягненні айчыннай навукі – вытворчасці”
12:00 - 13:00 - сустрэча са Старшынёй Прэзідыума НАН Беларусі Гусаковым У.Р. (каб. 216). Падпісанне Пагаднення аб супрацоўніцтве паміж НАН Беларусі і Мангольскай акадэміяй навук