Нацыянальная акадэмія навук Беларусі

15.06.2017

ФАО праводзіць у НАН Беларусі рэгіянальны семінар па пытаннях устойлівай будучыні

Харчовая і сельскагаспадарчая арганізацыя Аб’яднаных нацый (ФАО) 19-20 чэрвеня 2017 года праводзіць у НАН Беларусі рэгіянальны семінар па пытаннях устойлівай будучыні. Назва форуму – “Устойлівая вытворчасць харчавання і вядзенне сельскай гаспадаркі для рэалізацыі Парадку дня ў галіне ўстойлівага развіцця на перыяд да 2030 г. і Парыжскага пагаднення па змяненні клімату”.

Такі маштабны форум ФАО праводзіць у Беларусі ўпершыню. У Мінск прыедуць каля 100 прадстаўнікоў ураду і грамадзянскай супольнасці з 15 краін рэгіёна Еўропы і Цэнтральнай Азіі. У семінары прымуць удзел вядучыя вучоныя і спецыялісты Рэспублікі Беларусь у галіне сельскай гаспадаркі. Удзельнікі абмяркуюць пытанні ўстойлівага забеспячэння харчаваннем, сельскай гаспадаркі і змяненні клімату, а таксама ўзгодненыя на глабальным узроўні Мэты устойлівага развіцця (МУР) і метады іх дасягнення на нацыянальным узроўні. Краіны абмяняюцца актуальным вопытам уключэння пытанняў устойлівага развіцця ў нацыянальную палітыку і планы дзеянняў.

Адкрыццё рэгіянальнага семінара па пытаннях услойлівай будучыні адбудзецца 19 чэрвеня 2017 года (панядзелак) у 10.00 у НАН Беларусі (пр. Незалежнасці, 66, Вялікая канферэнц-зала).

Дадатковая інфармацыя