Нацыянальная акадэмія навук Беларусі

12.10.2017

Адбылася прэс-канферэнцыя, прысвечаная правядзенню Першага беларускага філасофскага кангрэса

У ДУ “Нацыянальны прэс-цэнтр Рэспублікі Беларусь” прайшла прэс-канферэнцыя, прысвечаная падрыхтоўцы і правядзенню Першага беларускага філасофскага кангрэса “Нацыянальная фііласофія ў глабальным свеце”, які пройдзе 18–20 кастрычніка 2017 года ў Мінску. У прэс-канферэнцыі прынялі ўдзел дырэктар ДНУ “Інстытут філасофіі НАН Беларусі” Анатоль Лазарэвіч, дэкан факультэта філасофіі і сацыяльных навук БДУ Вадзім Гігін, загадчык кафедры філасофскіх навук і ідэалагічнай работы Акадэміі кіравання пры Прэзідэнце Рэспублікі Беларусь Віктар Чуяшоў і загадчык кафедры філасофіі і метадалогіі навукі Анатоль Зелянкоў.

Дырэктар Інстытута філасофіі НАН Беларусі Анатоль Лазарэвіч азнаёміў журналістаў з геаграфіяй і складам удзельнікаў кангрэса. На мерапрыемствы кангрэса збяруцца вучоныя з 20 краін, у тым ліку з Расіі, Польшчы, Румыніі, Казахстана, Кіргізіі, краін Прыбалтыкі і інш. Таксама А. Лазарэвіч адзначыў, што сёння філасофія з’яўляецца навукай, якая дынамічна развіваецца і якая цікавіцца самым шырокім спектрам сучасных актуальных тэм чалавечага пазнання. Шырыня гэтых інтарэсаў будзе прадстаўлена ў тэматычным напаўненні мерапрыемстваў кангрэса.

Дэкан факультэта філасофіі і сацыяльных навук БДУ Вадзім Гігін адзначыў, што кангрэс будзе адначасова праходзіць на некалькіх пляцоўках: Прэзідыум НАН Беларусі, Інстытут філасофіі і Інстытут гісторыі НАН Беларусі, факультэт філасофіі і сацыяльных навук БДУ, Акадэмія кіравання пры Прэзідэнце Рэспублікі Беларусь, Цэнтральнай навуковай бібліятэцы НАН Беларусі. Праграма мерапрыемства будзе насычана навуковымі падзеямі, таксама ў рамках кангрэса будуць праведзены і адкрытыя лекцыі замежных гасцей, удзельнікаў чакае шырокая культурная праграма.

З інфармацыяй па правядзенні Першага беларускага філасофскага кангрэса можна азнаёміцца на старонцы мерапрыемства.