Нацыянальная акадэмія навук Беларусі

22.12.2017

Прадстаўнікі НАН Беларусі сярод лепшых у Рэспубліканскім конкурсе інавацыйных праектаў

У Беларускім дзяржаўным аграрным тэхнічным універсітэце адбылася ўрачыстая цырымонія ўзнагароджання пераможцаў і фіналістаў Рэспубліканскага конкурсу інавацыйных праектаў, які ў гэтым годзе праводзіцца ў восьмы раз. У гэтым годзе на конкурс было пададзена 178 заявак, з іх у намінацыі “Лепшы інавацыйны праект” - 70 праектаў, у намінацыі “Лепшы маладзёжны інавацыйны праект” - 108 праектаў. Сярод удзельнікаў конкурсу - распрацоўшчыкі праектаў з устаноў адукацыі, навукова-даследчых інстытутаў і цэнтраў Нацыянальнай акадэміі навук Беларусі, прадпрыемстваў, а таксама аўтарскія калектывы.

У гэтым годзе сертыфікаты на камерцыялізацыю атрымалі 8 праектаў.

Сярод пераможцаў конкурсу прадстаўнікі НАН Беларусі, у намінацыі “Лепшы інавацыйны праект”: 2-ое месца ДНУ “Фізіка-тэхнічны інстытут НАН Беларусі”, Глушакоў Андрэй Мікалаевіч, праект “Новая эканомналегіраваная сталь для зубчастых колаў каробкі перадач аўтатрактарнай тэхнікі”; ДНУ “Інстытут біяарганічнай хіміі НАН Беларусі”, Янцэвіч Аляксей Віктаравіч, праект “Распрацоўка інавацыйнага абсталявання для аўтаматызаванага атрымання сінтэтычных генаў (СД) і стварэнне вытворчасці сінтэтычных генаў”. У намінацыі “Лепшы маладзёжны інавацыйны праект”: 2-ае месца Пракаповіч Рыгор Аляксандравіч, ДНУ “Аб’яднаны інстытут праблем інфарматыкі НАН Беларусі”, праект “PocketBot”; 3-е месца Салаўёў Віталій Уладзіміравіч, НПЦ НАН Беларусі па харчаванні, праект “Комплексная ўтылізацыя збыткоўных піўных дражджэй”.