Данае Пагадненне накіравана на арганізацыю навуковых распрацовак НАН Беларусі для Дзяржаўнага камітэта судовых экспертыз. Сумеснае супрацоўніцтва створыць платформу для доўгачасовага і эфектыўнага ўзаемадзеяння, накіраванага на ўкараненне ў практыку дасягненняў навукі і тэхнікі, стварэнне новых, удасканаленне і адаптацыю існуючых тэхнічных сродкаў для вырашэння задач у сферы судова-экспертнай дзейнасці.
Бакамі абмеркаваны вынікі і перспектывы сумесных навуковых даследаванняў навукова-практычнага цэнтра Дзяржаўнага камітэта і арганізацый НАН Беларусі, пытанні падрыхтоўкі навуковых кадраў і іншыя пытанні навукова-тэхнічнага супрацоўніцтва.
Супрацоўніцтва з органамі Дзяржаўнага камітэта будзе праходзіць па некалькіх напрамках. Адным з іх з’яўляецца выкарыстанне Банка ДНК Інстытута генетыкі і цыталогіі НАН Беларусі пры правядзенні навуковых даследаванняў па напрамку судова-геномнай экспертызы. Для распрацоўкі эфектыўных тэхналогій судова-экспертнага даследавання псавання дэталей транспартных сродкаў супрацоўнікі камітэта атрымаюць доступ да абсталявання ДНУ “Інстытут парашковай металургіі”. Эксперты таксама зацікаўлены ў выкарыстанні лазерных установак Інстытута фізікі імя Б.І.Сцяпанава для ўстанаўлення характару і даўнасці паталагічных змен у біялагічных тканках чалавека. Варта адзначыць, што ў цяперашні час камітэтам распрацоўваюцца тэхналогіі даследавання фрагментаў драўніны для ідэнтыфікацыі месца вырастання дрэва.
Акрамя таго, Дзяржаўны камітэт зацікаўлены ў распрацоўцы камп’ютарных праграм на аснове алгарытмаў самаадукацыі (нейрасеткавыя сістэмы). Такія праграмныя прадукты запатрабаваны па многіх напрамках экспертна-крыміналістычных даследаванняў (напрыклад, у мэтах аператыўнага высвятлення асобы чалавека па базах даных). Абмяркоўваецца распрацоўка тэхналогій 3D-мадэлявання, спецыялізаваных сродкаў фіксацыі абстаноўкі месцаў здарэння, у тым ліку з выкарыстаннем беспілотных лятальных апаратаў.
Варта адзначыць, што ў рамках праграмы “Навукаёмістыя тэхналогіі і тэхнікі” на 2016-2020 гады Дзяржаўным камітэтам сумесна з Інстытутам біяарганічнай хіміі НАН Беларусі ўжо ажыццяўляецца распрацоўка і асваенне тэхналогій вытворчасці набораў рэагентаў для крыміналістычнай ДНК-ідэнтыфікацыі біялагічных узораў асобнах відаў дзікіх жывёл пры расследаванні спраў аб незаконным паляванні.
