Нацыянальная акадэмія навук Беларусі

27.03.2018

У НПЦ НАН Беларусі па механізацыі сельскай гаспадаркі адбылося выязное прэс-мерапрыемства, прысвечанае праграме Саюзнай дзяржавы “Камбікорм – СД”

27 сакавіка 2018 года НАН Беларусі і Нацыянальны Прэс-цэнтр Рэспублікі Беларусь правялі выязное прэс-мерапрыемства, прысвечанае рэалізацыі праграмы Саюзнай дзяржавы “Распрацоўка інавацыйных энергазберагальных тэхналогій і абсталявання для вытворчасці і эфектыўнага выкарыстання біябяспекі камбікармоў для каштоўных парод рыб, пушных звяроў і асобных відаў жывёл (Камбікорм – СД)”.

Мерапрыемства прайшло на базе Навукова-практычнага цэнтра НАН Беларусі па механізацыі сельскай гаспадаркі. Журналісты наведалі структурныя падраздзяленні цэнтра.

Перад прадстаўнікамі рэспубліканскіх і саюзных СМІ з інфармацыяй пра мэты і задачы новай праграмы выступілі Мікалай Бакач – намеснік генеральнага дырэктара, Уладзімір Пярэдня – галоўны навуковы супрацоўнік, загадчыкі лабараторый Іван Лабоцкі і Максім Наўныка. З распрацоўкамі эксперыментальнага завода журналістаў азнаёміў начальнік аддзела Аляксандр Блізнюк.

У прэс-туры прынялі ўдзел прадстаўнікі каля 20 сродкаў масавай інфармацыі. Сярод іх – тэлеканалы Сталічнае тэлебачанне і МТРК “Мір”, газеты “Камсамольская праўда”, “Еўразійская праўда”, “Звязда”, “Народная газета”, “Саюзнае Веча”, радыё “Беларусь”, Першы Нацыянальны канал Беларускага радыё і інш.