Прэмія прысуджваецца штогод за лепшую сумесную навуковую працу, адкрыццё ці вынаходніцтва, серыю сумесных навуковых прац па адзінай тэматыцы, выкананых у рамках узгодненых дагаворам аб супрацоўніцтве НАН Беларусі і СА РАН напрамкаў. На суісканне прэміі могуць быць заяўленыя сумесныя працы, завершаныя ці апублікаваныя на працягу трох гадоў, што папярэднічалі году прысуджэння прэміі. Пры падачы на конкурс прац вылучаюцца вядучыя аўтары ў калектыве, не больш за 10 чалавек, пры гэтым кожная краіна павінна быць прадстаўлена не менш як двума вучонымі.

Патрабаванні да вылучаных прац выкладзены ў зацверджанай Прэзідыумам НАН Беларусі пастанове ад 23 ліпеня 2019 г. № 38 і ў пастанове Прэзідыума Сібірскага аддзялення РАН ад 27 чэрвеня 2019 г. № 229.

Працы неабходна накіраваць да 19 сакавіка 2021 г. у Прэзідыум Сібірскага аддзялення Расійскай акадэміі навук на адрас: 630090, Расія, г. Навасібірск, пр-т Акадэміка Лаўрэнцьева, д. 17, а таксама ў Нацыянальную акадэмію навук Беларусі на адрас: 220072, г. Мінск, пр-т Незалежнасці, 66, каб. 317, 406, упраўленне прэмій, стыпендый і ўзнагарод Галоўнага ўпраўлення кадраў і кадравай палітыкі апарата Нацыянальнай акадэміі навук Беларусі.