Установа адукацыі “Гомельскі дзяржаўны ўніверсітэт імя Францыска Скарыны”, Нацыянальная акадэмія навук Беларусі, Гомельская абласная ўніверсальная бібліятэка імя У.І. Леніна запрашаюць да ўдзелу ў Міжнародных навуковых чытаннях “Рэгіянальнае, нацыянальнае і агульначалавечае ў літаратуры”, прысвечаных памяці народнага пісьменніка Беларусі, акадэміка Івана Навуменкі.

Канферэнцыя адбудзецца 8 – 9 кастрычніка 2020 года ў г. Гомелі.

Пленарныя і секцыйныя пасяджэнні навуковых чытанняў будуць праходзіць на базе ўстановы адукацыі “Гомельскі дзяржаўны ўніверсітэт імя Францыска Скарыны” (вул. Савецкая 102, Гомель) і Гомельскай абласной універсальнай бібліятэкі імя У.І. Леніна (плошча Перамогі 2а, Гомель).

Работа канферэнцыі плануецца ў наступных кірунках:

• Спадчына І. Навуменкі і сучасны літаратурны працэс;
• Перспектывы літаратуры класічнага тыпу ў эпоху глабалізацыі;
• Еўрапейская літаратура ў беларускай культурнай прасторы: праблема рэцэпцыі і інтэрпрэтацыі;
• Рэгіянальныя і нацыянальныя асаблівасці літаратуры і культуры;
• Міждысцыплінарныя даследаванні ў кантэксце літаратуразнаўчай навуковай парадыгмы;
• Тэма Вялікай Айчыннай вайны ў творчасці І. Навуменкі і ў літаратуры.

Рэгламент выступлення: да 20 хвілін.

Мовы мерапрыемства: усе славянскія, англійская.

Па выніках мерапрыемства будзе выдадзены зборнік матэрыялаў канферэнцыі.

Дадатковая інфармацыя ў файле.