5 чэрвеня 2020 года ў Нацыянальнай акадэміі навук Беларусі адбылося другое пасяджэнне Рэспубліканскай міжведамаснай рабочай групы па пераадоленні COVID-19. У яе рабоце прынялі ўдзел вядучыя вучоныя НАН Беларусі і Міністэрства аховы здароўя разам са спецыялістамі клінічнай медыцыны, гігіены і эпідэміялогіі, прадстаўнікамі акадэмічнай фундаментальнай і прыкладной навукі.

Падчас пасяджэння была адзначана актуальнасць стварэння Міжведамаснай групы для каардынацыі дзейнасці вучоных і рэспубліканскіх органаў дзяржаўнага кіравання пры планаванні і ажыццяўленні навуковых даследаванняў па праблемах каранавіруснай інфекцыі.

Пацверджаны адкрыты фармат удзельнікаў і важнасць больш шырокага прыцягнення спецыялістаў па пульманалогіі, кардыялогіі, інфарматыцы і інш.

Адзначаны магчымасці планавання і правядзення навуковых даследаванняў па праблемах інфекцыі COVID-19 з улікам фарміравання новага цыкла дзяржаўных праграм, рэгіянальных навукова-тэхнічных праграм, а таксама конкурсу навуковых праектаў Рэспубліканскага фонду фундаментальных даследаванняў.

Падтрымана фарміраванне рабочай групы па стварэнні айчыннай вакцыны для масавай прафілактыкі каранавіруснай інфекцыі ў рамках функцыянавання Міжведамаснай групы, актуальнасць распрацоўкі Адзінага рэгістра пацыентаў пасля перанесенай COVID-19 з улікам прававых норм заканадаўства Рэспублікі Беларусь.

Сакратар Міжведамаснай групы Т.В. Гнядзько