Далей акадэмік Фортаў наведаў пастаянна дзеючую выставу «Дасягненні айчыннай навукі - вытворчасці» і музей гісторыі НАН Беларусі, дзе пакінуў запіс у Кнізе ганаровых гасцей. Размаўляючы з прэсай, акадэмік адзначыў, што беларускія вучоныя традыцыйна займалі самыя перадавыя пазіцыі ў галіне фізікі плазмы. "Міхаіл Ільяшэвіч пакінуў вельмі моцную школу. І гэтая школа праводзіць сёння канферэнцыю па плазме ў Інстытуце фізікі. Плазма мае не толькі самы распаўсюджаны стан рэчыва ў прыродзе, але і мае вельмі вялікі спектр працягаў: гэта і плазменная медыцына, і крыніцы святла, і апрацоўка паверхняў, плазменная электроніка, паўправаднікі. Аб'ём продажаў вырабаў, заснаваных на плазме у свеце - гэта каля 3-4 трлн. долараў. Тое, што ў сучаснай Беларусі ўдалося захаваць на высокім узроўні акадэмічную плазменную навуку - гэта вельмі важна. Таму з усяго свету сёння ў Мінск прыехалі навукоўцы, каб абмяняцца ідэямі, пагаварыць на гэтую тэму, пазнаёміцца з працай інстытута, намеціць сумесныя дзеянні. Я ведаю, што ўжо хутка будзе падпісана некалькі праектаў", - адзначыў Фортаў.
