Нацыянальная акадэмія навук Беларусі

07.06.2016

У НАН Беларусі адбылося пашыранае пасяджэнне Міжакадэмічнага савета па праблемах развіцця Саюзнай дзяржавы

7 чэрвеня 2016 года ў НАН Беларусі ў рамках Трэцяга Форуму рэгіёнаў Беларусі і Расіі адбылося пашыранае пасяджэнне Міжакадэмічнага савета па праблемах развіцця Саюзнай дзяржавы. У пасяджэнні прынялі ўдзел кіраўніцтва і прадстаўнікі НАН Беларусі, РАН, Пастаяннага Камітэта Саюзнай дзяржавы, Уральскага і Сібірскага аддзяленняў РАН.

Адкрываючы працу пасяджэння, Старшыня Прэзідыума НАН Беларусі У.Гусакоў адзначыў, што за больш чым 10-гадовы тэрмін існавання Міжакадэмічнага савета было праведзена 10 сумесных пасяджэнняў, праведзены шэраг навуковых мерапрыемстваў, выдадзена 5 зборнікаў прац. Сёння перад Саюзнай дзяржавай стаіць задача рэальнага пераходу да інавацыйнай эканомікі на аснове павышэння запатрабаванасці навукова-тэхнічнага патэнцыялу нашых краін. “Цяперашняе пасяджэнне дасць магчымасць абмяняцца думкамі і выйсці на прынцыповыя меры па вырашэнні агульных задач у прыярытэтных галінах навукова-тэхнічнай дзейнасці ў Расіі і Беларусі, у першую чаргу, у пытаннях падрыхтоўкі праграм Саюзнай дзяржавы, развіцця энергетыкі і энергетычнай эфектыўнасці, эканамічнага развіцця”, - адзначыў У. Гусакоў. Актуальным з’яўляецца стварэнне новых сумесных навуковых структур, асабліва прымаючы пад увагу пашырэнне спектра сумесных распрацовак у галіне высокіх тэхналогій”, а таксама па стварэнні новых лекавых сродкаў, сумесных работ па машынабудаванні, у касмічнай сферы, інфармацыйных тэхналогій.

У ходзе пасяджэння вучоныя абмеркавалі напрамкі і канкрэтныя дзеянні па далейшым сумесным супрацоўніцтве.