Старшыня Прэзідыума НАН Беларусі У.Р. Гусакоў уручыў доктару тэхнічных навук, прафесару, акадэміку Віцязю Пятру Аляксандравічу вышэйшую ўзнагароду Нацыянальнай акадэміі навук Беларусі - нагрудны знак “Залаты медаль Нацыянальнай акадэміі навук Беларусі “За вялікі ўклад у развіццё навукі”. П.А. Віцязь удастоены ўзнагароды «За шматгадовую плённую навукова-арганізацыйную дзейнасць у галіне новых матэрыялаў і тэхналогій, стварэнне і развіццё Беларускай касмічнай сістэмы дыстанцыйнага зандавання Зямлі”, згодна з Пастановай Прэзідыума НАН Беларусі № 35 ад 20 ліпеня 2016 г.

Старшыня Прэзідыума НАН Беларусі зачытаў прывітанне Прэзідэнта Беларусі Аляксандра Лукашэнкі ў сувязі з 80-годдзем акадэміка Пятра Аляксандравіча Віцязя. “Ваша жыццё з’яўляецца яскравым прыкладам адданага служэння навуцы і нястомнага навуковага пошуку”, - гаворыцца ў віншаванні.

Вялікі асабісты ўклад Пятра Аляксандравіча Віцязя ў развіццё Саюзнай дзяржавы высока ацаніў Дзяржсакратар Саюзнай дзяржавы Беларусі і Расіі Рыгор Рапота, які асабіста ўручыў юбіляру віншавальны адрас і падарункі.

Віншаванні ў адрас Пятра Аляксандравіча Віцяза паступілі таксама ал Прэм’ер-міністра Рэспублікі Беларусь Андрэя Кабякова, Старшыні Савета Рэспублікі Нацыянальнага сходу Рэспублікі Беларусь Міхаіла Мясніковіча, кіраўніцтва дзясяткаў міністэрстваў і ведамстваў нашай краіны і іншых дзяржаў.