Нацыянальная акадэмія навук Беларусі

28.02.2017

У НАН Беларусі будуць разгледжаны пытанні якасці і бяспекі харчовых прадуктаў

2 сакавіка 2017 года ў 14:00 у зале Прэзідыума Нацыянальнай акадэміі навук Беларусі (г. Мінск, пр-т Незалежнасці, 66, каб. 216) адбудзецца пасяджэнне Міжведамаснага каардынацыйнага савета па праблемах харчавання пры Нацыянальнай акадэміі навук Беларусі. На мерапрыемстве будзе разгледжана пытанне “Маніторынг паказчыкаў якасці і бяспекі харчовых прадуктаў, якія вырабляюцца па ТУ і СТБ” (Дакладчык - начальнік Рэспубліканскага кантрольна-выпрабавальнага комплексу па якасці і бяспецы прадуктаў харчавання РУП “Навукова-практычны цэнтр Нацыянальнай акадэміі навук Беларусі па харчаванні”, кандыдат сельскагаспадарчых навук Пачыцкая Ірына Міхайлаўна).

На пасяджэнні Міжведамаснага савета таксама будзе нададзена ўвага пытанням маніторынгу паказчыкаў якасці і бяспекі прадукцыі для дзіцячага харчавання. З мэтай забеспячэння і наступнага павышэння якасці харчовай прадукцыі, забеспячэння паўнавартаснага харчавання насельніцтва, стымулявання развіцця вытворчасці і абарачэння на рынку харчовай прадукцыі належнай якасці ў Рэспубліцы Беларусь неабходна распрацоўка Стратэгіі павышэння якасці і бяспекі харчовай прадукцыі, як асноўнага дакумента для стварэння нацыянальнай сістэмы павышэння якасці харчовай прадукцыі.

2 сакавіка 2017 года ў пасяджэнні Міжведамаснага каардынацыйнага савета па праблемах харчавання пры Нацыянальнай акадэміі навук Беларусі прымуць удзел члены Міжведамаснага каардынацыйнага савета па праблемах харчавання пры Нацыянальнай акадэміі навук Беларусі, кіраўнікі арганізацый НАН Беларусі, вядомыя вучоныя, прадстаўнікі міністэрстваў і ведамстваў краіны.