Нацыянальная акадэмія навук Беларусі

11.10.2018

У НАН Беларусі адбудзецца Міжнародны семінар “Мадэляванне сінтэзу і разбурэння перспектыўных матэрыялаў”

15 кастрычніка 2018 г. з 14:00 у зале пасяджэнняў Прэзідыума Нацыянальнай Акадэміі навук Беларусі (п. 216) аддзяленне фізіка-тэхнічных навук НАН Беларусі праводзіць Міжнародны семінар “Мадэляванне сінтэзу і разбурэння перспектыўных матэрыялаў” (International workshop “Modeling of synthesis and destruction of advanced materials”). Рабочая мова семінара - англійская.

У тэматыку семінара ўключаны пытанні мадэлявання дыфузіі, фазавых ператварэнняў, фаза- і структураўтварэння, узаемадзеяння дыслакацыі і іншых дэфектаў пры сінтэзе, эксплуатацыі і разбурэнні матэрыялаў і іншыя актуальныя пытанні камп’ютарнага мадэлявання ў матэрыялазнаўстве.

Акцэнт семінара зроблены на фізічныя і фізіка-хімічныя мадэлі, якія апісваюць кінетыку і механізмы фаза- і структураўтварэння пры сінтэзе, эксплуатацыі і разбурэнні матэрыялаў, якія выкарыстоўваюць наступныя метады:

  • мадэляванне з першых прынцыпаў на аснове тэорыі функцыянала шчыльнасці (DFT),
  • малекулярна-дынамічнае мадэляванне (MD),
  • макракінетычнае мадэляванне (фенаменалагічныя мадэлі)
  • шматузроўневае мадэляванне (multiphysics modeling)
  • тэрмадынамічнае мадэляванне і іншыя.
  • Праграма семінара прыкладаецца.