Нацыянальная акадэмія навук Беларусі

10.12.2018

У НАН Беларусі адбудзецца пасяджэнне Міжведамаснага каардынацыйнага савета па праблемах харчавання

12 снежня 2018 г. (серада) у 16.00 у будынку Прэзідыума Нацыянальнай акадэміі навук Беларусі (пр-т Незалежнасці, 66, каб.216) адбудзецца пасяджэнне Міжведамаснага каардынацыйнага савета па праблемах харчавання пры Нацыянальнай акадэміі навук Беларусі. У мерапрыемстве прымуць удзел члены савета, кіраўнікі арганізацый НАН Беларусі, вядомыя вучоныя, прадстаўнікі міністэрстваў і ведамстваў краіны.

На пасяджэнні будуць разгледжаны 2 пытанні:

1. Пра ўплыў пальмавага алею на стан здароўя насельніцтва Рэспублікі Беларусь. З дакладам выступіць намеснік генеральнага дырэктара па стандартызацыі і якасці прадуктаў харчавання РУП “Навукова-практычны цэнтр Нацыянальнай акадэміі навук Беларусі па харчаванні”, кандыдат тэхнічных навук, дацэнт Маргунова Алена Міхайлаўна.
2. Гародніна і садавіна. Параўнальная характарыстыка свежай гародніны і садавіны айчыннай і замежнай вытворчасці. З дакладам выступіць начальнік Рэспубліканскага кантрольна-выпрабавальнага комплексу па якасці і бяспецы прадуктаў харчавання РУП “Навукова-практычны цэнтр Нацыянальнай акадэміі навук Беларусі па харчаванні”, кандыдат сельскагаспадарчых навук Пачыцкая Ірына Міхайлаўна.