Нацыянальная акадэмія навук Беларусі

02.05.2019

АІПІ запрашае на адкрытую лекцыю кітайскага спецыяліста-вірусолага

У Аб’яднаным інстытуце праблем інфарматыкі НАН Беларусі (г. Мінск, вул. Сурганава 6, к. 206) 14 мая 2019 г. у 15:00 адбудзецца адкрытая лекцыя прафесара Шыбо Цзяна (Shibo Jiang), Універсітэт Фудан (г. Шанхай , Кітай) на тэму “Virus fusion and entry inhibitors against HIV and coronavirus” (Інгібітары зліцця і пранікнення ВІЧ і каронавірусаў у клетку-мішэнь).

Прафесар Шыбо Цзян – вядомы ў свеце спецыяліст у галіне распрацоўкі супрацьвірусных прэпаратаў і вакцын. Ён выявіў першы эфектыўны анты-ВІЧ пептыд, і яго патэнт атрымаў ліцэнзію для стварэння першага адобранага кіраўніцтвам па санітарным наглядзе за якасцю харчовых прадуктаў і медыкаментаў (FDA) пептыднага інгібітара ВІЧ-інфекцыі фузеона (энфувертыд або T20), шырока выкарыстоўваемага ў клінічнай практыцы для тэрапіі ВІЧ-інфекцыі. Ён распрацаваў першы анты-HPV-тэрапеўтычны прэпарат - бялок JB01.