Bel   ·  Eng  ·  Rus  |    Толькі тэкст  |   НАНБ в Facebook НАНБ в Vkontakte НАНБ в Twitter НАНБ в Instagram НАНБ в Youtube НАНБ в LinkedIn НАНБ в SlideShare rss-лента новостей Написать письмо 
   
Афiцыйны iнтэрнет-партал Прэзiдэнта Рэспублiкi Беларусь
Афiцыйны iнтэрнет-сайт Савета Міністраў Рэспублікі Беларусь
Акадэмія кіравання пры Прэзідэнце Рэспублікі Беларусь
Інтэрнет-партал Моладзь Беларусі
Газета Навука
Часопіс Навука і інавацыі

Навіны

Галоўная старонка / Навіны / Архіў навін

RSS

25.10.2018

З 29 кастрычніка па 1 лістапада 2018 года Савет маладых вучоных НАН Беларусі праводзіць XV Міжнародную навуковую канферэнцыю маладых вучоных “Моладзь у навуцы - 2.0'18”

З 29 кастрычніка па 1 лістапада 2018 года Савет маладых вучоных НАН Беларусі праводзіць XV Міжнародную навуковую канферэнцыю маладых вучоных “Моладзь у навуцы - 2.0'18”. Юбілейная канферэнцыя стане адным з найбуйнейшых маладзёжных навуковых мерапрыемстваў, якое рэалізуецца ў нашай краіне. У 2018 годзе форум прысвечаны 90-годдзю НАН Беларусі.
Урачыстае адкрыццё адбудзецца 29 кастрычніка 2018 года (панядзелак) у 14.00 (пр. Незалежнасці, 66, Вялікая канферэнц-зала). На форуме плануецца прадставіць найбольш буйныя міжнародныя і міждысцыплінарныя праекты, навуковыя распрацоўкі, якія рэалізуюцца з удзелам маладых вучоных. У канферэнцыі прымуць удзел больш за 300 вучоных з больш за 10 краін (Беларусь, Расія, Германія, Украіна, Азербайджан, Літва і іншыя), кіраўніцтва Саветаў маладых вучоных Акадэмій навук – членаў МААН (Міжнароднай Асацыяцыі акадэмій навук).

24.10.2018

Дырэктар Інстытута філасофіі НАН Беларусі прыняў удзел у адкрыцці Міжнароднай навукова-практычнай канферэнцыі “Мітрапаліт Іосіф (Сямашка; 1798 - 1868): асоба, эпоха, гістарычны шлях праваслаўя на беларускіх землях”

24 кастрычніка 2018 года ў канферэнц-зале Нацыянальнай бібліятэкі Беларусі адбылося ўрачыстае адкрыццё і пленарнае пасяджэнне міжнароднай навукова-практычнай канферэнцыі “Мітрапаліт Іосіф (Сямашка; 1798 - 1868): асоба, эпоха, гістарычны шлях праваслаўя на беларускіх землях”. Навуковы форум прымеркаваны да 220-годдзя з дня нараджэння і 150-годдзя з дня смерці мітрапаліта Літоўскага і Віленскага Іосіфа (Сямашкі).
Арганізатарамі канферэнцыі выступілі: Беларуская Праваслаўная Царква, Нацыянальная акадэмія навук Беларусі, Аддзяленне гуманітарных навук і мастацтваў НАН Беларусі, Інстытут філасофіі НАН Беларусі, Мінская духоўная акадэмія.

24.10.2018

Пасяджэнне Савета па супрацоўніцтве ў галіне фундаментальнай навукі дзяржаў-удзельніц СНД прайшло ў Душанбэ

12 кастрычніка 2018 г. дэлегацыя Нацыянальнай акадэміі навук Беларусі ў складзе намесніка Старшыні Прэзідыума НАН Беларусі С.Я. Кіліна і начальніка Галоўнага ўпраўлення міжнароднага навукова-тэхнічнага супрацоўніцтва апарату НАН Беларусі У.В. Падкапаева ўдзельнічала ў VI пасяджэнні Савета па супрацоўніцтве ў галіне фундаментальнай навукі дзяржаў-удзельніц СНД (далей - СФН), арганізаваным на базе Акадэміі навук Рэспублікі Таджыкістан. Для ўдзелу ў пасяджэнні ў г. Душанбе таксама прыбылі прадстаўнікі Рэспублікі Казахстан, Кыргызскай Рэспублікі, Расійскай Федэрацыі, Рэспублікі Таджыкістан, Выканаўчага камітэта СНД.
У ходзе VI пасяджэння СФН разгледжана 14 пытанняў парадку. Старшынёй СФН на чарговы перыяд аднагалосна абраны прэзідэнт Акадэміі навук Рэспублікі Таджыкістан Ф.К. Рахімі. Да яго пасаду Старшыні СФН займаў прэзідэнт НАН Рэспублікі Казахстан М.Ж. Журынаў.

23.10.2018

Дэлегацыя НАН Беларусі прыняла ўдзел у рабоце III Беларуска-Кітайскага Форуму па гуманітарных абменах і дзелавым супрацоўніцтве

15-16 кастрычніка 2018 года дэлегацыя Нацыянальнай акадэміі навук Беларусі пад кіраўніцтвам намесніка Старшыні Прэзідыума НАН Беларусі Пятра Казакевіча прыняла ўдзел у рабоце III Беларуска-Кітайскага навуковага форуму па гуманітарных абменах і дзелавым супрацоўніцтве “Адзін пояс - Адзін шлях” і Кітайска-Беларускае супрацоўніцтва: Новае развіццё і Новыя перспектывы” (г. Чжухай, прав. Гуандун, Кітайская Народная Рэспубліка).
Мерапрыемства было арганізавана Кітайскай акадэміяй грамадскіх навук, Нацыянальнай акадэміяй навук Беларусі, Пекінскім педагагічным універсітэтам і мэрыяй г. Чжухай з мэтай абмеркавання бягучага стану і перспектыў развіцця беларуска-кітайскага навукова-тэхнічнага, гуманітарнага і гандлёва-эканамічнага супрацоўніцтва ў кантэксце рэалізацыі глабальнай ініцыятывы “Адзін пояс – Адзін шлях”.

23.10.2018

Канферэнцыя, прысвечаная 100-годдзю заканчэння Першай сусветнай вайны пройдзе ў Мінску і Смаргоні

25 кастрычніка ў 10.00 у Інстытуце гісторыі НАН Беларусі (Мінск, вул. Акадэмічная, 1) пачне работу пленарнае пасяджэнне Міжнароднай навуковай канферэнцыі “Беларусь у полымі Першай сусветнай вайны (да 100-годдзя заканчэння Першай сусветнай вайны)”. У яе рабоце прымуць удзел Кіраўнік Прадстаўніцтва Федэральнага агенцтва па справах СНД у Рэспубліцы Беларусь (Рассупрацоўніцтва), саветнік Пасольства Расійскай Федэрацыі ў Рэспубліцы Беларусь; дыпламатычныя прадстаўнікі амбасад ЗША і ФРГ, акрэдытаваныя ў Рэспубліцы Беларусь; Кіраўнік Апарату Прэзідыума Грамадскай Палаты Саюзнай дзяржавы Беларусі і Расіі; намеснік старшыні Пастаяннай камісіі па заканадаўстве Палаты прадстаўнікоў Нацыянальнага сходу Рэспублікі Беларусь.

23.10.2018

У Інстытуце фізікі пачала работу Першая Міжнародная канферэнцыя “Опта-, мікра- і ЗВЧ-электроніка – 2018”

23 кастрычніка 2018 года ў Вялікай канферэнц-зале Інстытута фізікі імя Б.І. Сцяпанава адбылося адкрыццё Першай Міжнароднай навукова-тэхнічнай канферэнцыі “Опта-, мікра- і ЗВЧ-электроніка – 2018”. Форум прысвечаны 90-годдзю НАН Беларусі.
У рабоце канферэнцыі бяруць удзел супрацоўнікі навукова-даследчых арганізацый, вышэйшых навучальных устаноў і прамысловых прадпрыемстваў Беларусі, Расіі, Малдовы.

22.10.2018

НПЦ НАН Беларусі па матэрыялазнаўстве стварыў электрамагнітныя ахоўныя экраны для апарата даследчай місіі BepiColombo

На борце японскага касмічнага апарата Mercury Magnetospheric Orbiter, які ўдзельнічае ў даследчай місіі BepiColombo, устаноўлены шматслойныя электрамагнітныя экраны, створаныя вучонымі Навукова-практычнага цэнтра Нацыянальнай акадэміі навук Беларусі па матэрыялазнаўстве. Пра гэта паведаміў Генеральны дырэктар ГА “НПЦ НАН Беларусі па матэрыялазнаўстве” НАН Беларусі Валерый Федасюк.

19.10.2018

Аб падтрымцы і стымуляванні навуковай дзейнасці маладых вучоных НАН Беларусі расказалі прадстаўнікам СМІ ў Доме прэсы

19 кастрычніка 2018 г. у Прэс-цэнтры Дома прэсы адбылася прэс-канферэнцыя “Аб падтрымцы і стымуляванні навуковай дзейнасці маладых вучоных НАН Беларусі”. У мерапрыемстве прынялі ўдзел: Гапоненка Вольга Анатольеўна, начальнік упраўлення прэмій, стыпендый і ўзнагарод Галоўнага ўпраўлення кадраў і кадравай палітыкі апарату НАН Беларусі; Юрэцкі Станіслаў Сцяпанавіч, навуковы супрацоўнік Інстытута гісторыі НАН Беларусі, старшыня Савета маладых вучоных Аддзялення гуманітарных навук і мастацтваў НАН Беларусі; Марцалева Наталля Аляксандраўна, прэс-сакратар апарату НАН Беларусі.

18.10.2018

Першы намеснік Старшыні Прэзідыума НАН Беларусі Сяргей Чыжык наведаў Харбін

Першы намеснік Старшыні Прэзідыума НАН Беларусі Сяргей Чыжык наведаў Харбін – сталіцу правінцыі Хэйлунцзян (КНР), дзе прыняў удзел у навуковых форумах і перагаворах.
На сустрэчы з Прэзідэнтам Акадэміі навук правінцыі Хэйлунцзян Го Чуньцзінем абмяркоўвалася магчымае ўступленне калег у Міжнародную асацыяцыю акадэмій навук, а таксама вывучэнне магчымасцей стварэння аб’яднання вучоных дзвюх краін.
Таксама Сяргей Чыжык правёў перагаворы з кіраўніком Акадэміі сельскагаспадарчых навук правінцыі Хэйлунцзян Лі Вэньхуа. Абмяркоўваліся перспектывы супрацоўніцтва ў сферы сельскай гаспадаркі і тэхнікі.

17.10.2018

У Інстытуце фізіялогіі НАН Беларусі адбылася Міжнародная навуковая канферэнцыя “Фундаментальныя і прыкладныя навукі – медыцыне”

12 кастрычніка 2018 года ў Інстытуце фізіялогіі Нацыянальнай акадэміі навук Беларусі пры падтрымцы Аддзялення медыцынскіх навук НАН Беларусі і Беларускага таварыства фізіёлагаў адбылася Міжнародная навуковая канферэнцыя “Фундаментальныя і прыкладныя навукі – медыцыне”, прысвечаная 65-годдзю заснавання Інстытута фізіялогіі НАН Беларусі.
У канферэнцыі прынялі ўдзел каля ста вучоных і клініцыстаў з навукова-даследчых інстытутаў, навукова-практычных цэнтраў, устаноў адукацыі, аховы здароўя нашай краіны і з Рэспублікі Балгарыі, Украіны, Азербайджанскай Рэспублікі, Туркменістана, Рэспублікі Малдовы, Рэспублікі Узбекістан, Расійскай Федэрацыі і Літоўскай Рэспублікі .
Навуковыя даклады закраналі як фундаментальныя праблемы, так і актуальныя прыкладныя медыка-біялагічныя пытанні дыягностыкі і тэрапіі сацыяльна-знакавых захворванняў.

17.10.2018

У Інстытуце эксперыментальнай батанікі імя В.Ф.Купрэвіча пройдзе IX Міжнародная навуковая канферэнцыя “Рэгуляцыя росту, развіцця і прадуктыўнасці раслін”

24-26 кастрычніка 2018 года дзяржаўная навуковая ўстанова “Інстытут эксперыментальнай батанікі імя В.Ф.Купрэвіча Нацыянальнай акадэміі навук Беларусі” праводзіць IX Міжнародную навуковую канферэнцыю “Рэгуляцыя росту, развіцця і прадуктыўнасці раслін”.
Канферэнцыя арганізавана з мэтай абмеркавання пытанняў, якія маюць важнае навуковае і практычнае значэнне для абгрунтавання шляхоў максімальнай рэалізацыі патэнцыялу расліннага арганізма ў фарміраванні гаспадарча каштоўнай часткі ўраджаю, механізмаў устойлівасці да неспрыяльных фактараў асяроддзя на малекулярным, клеткавым, арганізмавым і цэнатычным узроўнях.

15.10.2018

Прадстаўнікі НАН Беларусі прынялі ўдзел у прэс-канферэнцыі “Навуковае суправаджэнне фармацэўтычнай галіны Беларусі. Перспектыўныя распрацоўкі айчыннай канкурэнтаздольнай фармацэўтычнай прадукцыі”

У Нацыянальным прэс-цэнтры Рэспублікі Беларусь прайшла прэс-канферэнцыя “Навуковае суправаджэнне фармацэўтычнай галіны Беларусі. Перспектыўныя распрацоўкі айчыннай канкурэнтаздольнай фармацэўтычнай прадукцыі”, прымеркаваная да Дня работнікаў фармацэўтычнай і мікрабіялагічнай прамысловасці Беларусі. Ад НАН Беларусі ў мерапрыемстве прынялі ўдзел: Алена Мікалаеўна Калінічэнка, намеснік дырэктара па навуковай і інавацыйнай рабоце ДНУ “Інстытут біяарганічнай хіміі НАН Беларусі”, начальнік навукова-вытворчага цэнтра “ХімФармСінтэз”; Алена Валер’еўна Балотнік, намеснік дырэктара па навуковай і інавацыйнай рабоце ДНУ “Інстытут мікрабіялогіі НАН Беларусі”.

12.10.2018

У Цэнтральнай навуковай бібліятэцы імя Я.Коласа адбудзецца прэзентацыя вынікаў беларуска-эстонскага супрацоўніцтва ў сферы фальклору

15 кастрычніка 2018 г. у 12.00 па адрасе вул. Сурганава, д.1, корпус 2 (3 паверх, каб. № 302) адбудзецца прэзентацыя вынікаў беларуска-эстонскага супрацоўніцтва ў сферы фальклору.
У рамках мерапрыемства будуць прадстаўлены два сумесныя выданні, падрыхтаваныя вучонымі ДНУ “Цэнтр даследаванняў беларускай культуры, мовы і літаратуры НАН Беларусі” і Эстонскім Літаратурным Музеем (г. Тарту, Эстонія). Гэта - зборнік навуковых артыкулаў “Місія выканальная. Перспектывы вывучэння фальклору” (Тарту, 2018) і электронны часопіс “Folklore” (№ 72).

11.10.2018

У НАН Беларусі адбудзецца Міжнародны семінар “Мадэляванне сінтэзу і разбурэння перспектыўных матэрыялаў”

15 кастрычніка 2018 г. з 14:00 у зале пасяджэнняў Прэзідыума Нацыянальнай Акадэміі навук Беларусі (п. 216) аддзяленне фізіка-тэхнічных навук НАН Беларусі праводзіць Міжнародны семінар “Мадэляванне сінтэзу і разбурэння перспектыўных матэрыялаў” (International workshop “Modeling of synthesis and destruction of advanced materials”). Рабочая мова семінара - англійская.
У тэматыку семінара ўключаны пытанні мадэлявання дыфузіі, фазавых ператварэнняў, фаза- і структураўтварэння, узаемадзеяння дыслакацыі і іншых дэфектаў пры сінтэзе, эксплуатацыі і разбурэнні матэрыялаў і іншыя актуальныя пытанні камп’ютарнага мадэлявання ў матэрыялазнаўстве.

10.10.2018

У НАН Беларусі пройдзе Міжнародная навуковая канферэнцыя “Фундаментальныя і прыкладныя навукі – медыцыне”

12 кастрычніка 2018 года Інстытут фізіялогіі пры ўдзеле аддзялення медыцынскіх навук праводзіць Міжнародную навуковую канферэнцыю “Фундаментальныя і прыкладныя навукі – медыцыне”. Канферэнцыя аб’яднае спецыялістаў розных напрамкаў для абмеркавання актуальных праблем у галіне некантралюемага развіцця гіперпластычных, запаленчых, аўтаіммунных і дэструктыўных працэсаў, якія суправаджаюцца пераходам у паталагічныя станы і якія з’яўляюцца атрыбутамі сацыяльна значных захворванняў.

09.10.2018

НАН Беларусі аб’яўляе конкурс па выбары выканаўца мерапрыемства

Нацыянальная акадэмія навук Беларусі аб’яўляе аб правядзенні конкурса па выбары выканаўца мерапрыемства Дзяржаўнай праграмы “Навукаёмістыя тэхналогіі і тэхніка” на 2016-2020 гады, зацверджанай пастановай Савета Міністраў Рэспублікі Беларусь ад 21 красавiка 2016 г. № 327 падпраграмы 1 “Інавацыйныя біятэхналогіі – 2020”.

09.10.2018

Адбыўся арганізацыйны камітэт па падрыхтоўцы і правядзенні канферэнцыі “Моладзь у навуцы – 2018”

9 кастрычніка 2018 года пад кіраўніцтвам Старшыні Прэзідыума НАН Беларусі Уладзіміра Гусакова адбыўся арганізацыйны камітэт па падрыхтоўцы і правядзенні юбілейнай, ХV Міжнароднай навуковай канферэнцыі маладых вучоных “Моладзь у навуцы – 2018”. У мерапрыемстве прынялі ўдзел кіраўнікі і старшыні Саветаў маладых вучоных Аддзяленняў навук, члены арганізацыйнага камітэта. На пасяджэнні падрабязна абмеркаваны пытанні падрыхтоўкі канферэнцыі, правядзення пленарнага пасяджэння, секцый, падвядзення вынікаў канферэнцыі.

09.10.2018

Інстытут гісторыі НАН Беларусі пры падтрымцы Польскага Інстытута ў Мінску праводзяць канферэнцыю “Статут 1588 г: заканадаўчыя гарантыі суверэнітэту ВКЛ”

12 кастрычніка 2018 г. Інстытут гісторыі Нацыянальнай акадэміі навук Беларусі пры падтрымцы Польскага Інстытута ў Мінску праводзяць Міжнародную навуковую канферэнцыю “Статут 1588 г: заканадаўчыя гарантыі суверэнітэту ВКЛ”.
Адкрыццё і пленарнае пасяджэнне канферэнцыі адбудзецца 12 кастрычніка з 10.00 да 13.00 у Інстытуце гісторыі НАН Беларусі па адрасе: г. Мінск, вул. Акадэмічная, 1.

08.10.2018

НАН Беларусі працягвае прыём матэрыялаў на конкурс на лепшае прадстаўленне навуковых дасягненняў 2018 года ў СМІ

У мэтах фарміравання цэласнага пазітыўнага вобраза навукі, павышэння яе аўтарытэту, прыцягнення ўвагі шырокіх слаёў грамадскасці да дасягненняў беларускіх вучоных, стымулявання творчай і прафесійнай актыўнасці як журналістаў, так і непрафесійных папулярызатараў навукі Нацыянальная акадэмія навук Беларусі аб’явіла конкурс 2018 года з уручэннем дыпломаў і грашовых прэмій фізічным асобам па наступных намінацыях: лепшая публікацыя; лепшая публікацыя ў навукова-папулярным выданні, лепшы сюжэт (праграма) на радыё і тэлебачанні; лепшае прадстаўленне дасягненняў НАН Беларусі ў сетцы інтэрнэт. Вылучэнне кандыдатур на конкурс ажыццяўляецца ў парадку і ў тэрміны, устаноўленыя Палажэннем аб конкурсе на лепшае прадстаўленне навуковых дасягненняў у сродках масавай інфармацыі, зацверджаным Пастановай Бюро Прэзідыума Нацыянальнай акадэміі навук Беларусі ад 4 сакавiка 2015 г. № 77.

03.10.2018

Адбылося пасяджэнне Тэхнічнага кансультацыйнага савета НАН Беларусі і кампаніі LG Electronics Inc

3 кастрычніка 2018 года ў НАН Беларусі адбылося пасяджэнне Тэхнічнага кансультацыйнага савета НАН Беларусі і кампаніі LG Electronics Inc. У мерапрыемстве прыняла ўдзел прадстаўнічая дэлегацыя спецыялістаў і экспертаў кампаніі на чале са старшым віцэ-прэзідэнтам кампаніі LG Electronics Inc, дырэктарам Інстытута перадавых матэрыялаў і прылад LG (MDARI) доктарам Чон Су Лі.


Новости 21 - 40 из 1067
Начало | Пред. | 1 2 3 4 5 | След. | Конец
 

Галоўная старонка / Навіны / Архіў навін / Да пачатку старонкі
Пры поўным ці частковым выкарыстанні інфармацыі спасылка на крыніцу з'яўляецца абавязковай