Bel   ·  Eng  ·  Rus  |    Толькі тэкст  |   НАНБ в Facebook НАНБ в Vkontakte НАНБ в Twitter НАНБ в Instagram НАНБ в Youtube НАНБ в LinkedIn НАНБ в SlideShare rss-лента новостей Написать письмо 
   
Афiцыйны iнтэрнет-партал Прэзiдэнта Рэспублiкi Беларусь
Афiцыйны iнтэрнет-сайт Савета Міністраў Рэспублікі Беларусь
Акадэмія кіравання пры Прэзідэнце Рэспублікі Беларусь
Інтэрнет-партал Моладзь Беларусі
Газета Навука
Часопіс Навука і інавацыі

Навіны

Галоўная старонка / Навіны / Архіў навін

RSS

03.10.2018

У Інстытуце генетыкі і цыталогіі адбудзецца Міжнародная навуковая канферэнцыя “Пераўтварэнне геномаў. VIII Жэбракаўскія чытанні – 2018”

16 кастрычніка 2018 г. у Інстытуце генетыкі і цыталогіі адбудзецца Міжнародная навуковая канферэнцыя “Пераўтварэнне геномаў. VIII Жэбракаўскія чытанні – 2018”.
Форум праводзіцца на базе Інстытута генетыкі і цыталогіі НАН Беларусі з 2008 года, прысвячаецца найбольш актуальным праблемам генетычнай навукі і праходзіць у фармаце лекцыі вядомага замежнага вучонага.
У гэтым годзе з лекцыяй выступіць акадэмік Балгарскай акадэміі навук, прафесар Атанас Атанасаў. Акадэмік А.Атанасаў з’яўляецца Ганаровым членам Амерыканскага біяграфічнага інстытута, членам Нью-Ёркскай Акадэміі навук, міжнародным экспертам у галіне біябяспекі генетычна-мадыфікаваных арганізмаў.

02.10.2018

8-12 кастрычніка 2018 года Інстытут эксперыментальнай батанікі імя В.Ф.Купрэвіча правядзе V Міжнародную навуковую канферэнцыю “Маніторынг і ацэнка стану расліннага свету”

8-12 кастрычніка 2018 года дзяржаўная навуковая ўстанова “Інстытут эксперыментальнай батанікі імя В.Ф. Купрэвіча Нацыянальнай акадэміі навук Беларусі” пры ўдзеле дзяржаўнай прыродаахоўнай установы “Нацыянальны парк “Белавежская пушча” праводзіць V Міжнародную навуковую канферэнцыю “Маніторынг і ацэнка стану расліннага свету”.

02.10.2018

Семінар для студэнтаў і аспірантаў па дынаміцы, стану і маніторынгу лясных экасістэм пройдзе ў Белавежскай пушчы

8-13 кастрычніка 2018 года дзяржаўная навуковая ўстанова “Інстытут эксперыментальнай батанікі імя В.Ф. Купрэвіча Нацыянальнай акадэміі навук Беларусі” пры ўдзеле дзяржаўнай прыродаахоўнай установы “Нацыянальны парк “Белавежская пушча” праводзіць VIII Міжнародны навукова-практычны і навучальны семінар для студэнтаў, магістрантаў, аспірантаў, выкладчыкаў і работнікаў спецыяльнасці “Лясная гаспадарка” (“Лясная справа”) “Дынаміка, стан і маніторынг лясных экасістэм на асабліва ахоўных прыродных тэрыторыях”. Семінар прысвечаны Году малой радзімы ў Рэспубліцы Беларусь; Году добраахвотніка ў Расійскай Федэрацыі; 90-годдзю з дня заснавання Нацыянальнай акадэміі навук Беларусі; Сусветнаму дня аховы месцаў пражывання і Дню настаўніка.

02.10.2018

Суперкамп’ютар “СКІФ-ГЕА-ЦАД” НАН увайшоў у ТОП-50 вылічальных сістэм СНД

Сучасны суперкамп’ютар “СКІФ-ГЕА-ЦАД” Аб’яднанага інстытута праблем інфарматыкі НАН Беларусі, распрацаваны ў рамках навукова-тэхнічнай праграмы Саюзнай дзяржавы “СКІФ-НЕТРЫ”, увайшоў у ТОП-50 лепшых вылічальных сістэм, усталяваных на тэрыторыі СНД. Галоўнымі арганізатарамі рэйтынгу выступілі: Навукова-даследчы вылічальны цэнтр МДУ і Міжведамасны Суперкамп’ютарны Цэнтр Расійскай акадэміі навук.

02.10.2018

У ДНВА “НПЦ НАН Беларусі па біярэсурсах” адбудзецца I Міжнародная навукова-практычная канферэнцыя “Актуальныя праблемы аховы жывёльнага свету ў Беларусі і сумежных рэгіёнах”

15-18 кастрычніка 2018 г. у ДНВА “НПЦ НАН Беларусі па біярэсурсах” адбудзецца I Міжнародная навукова-практычная канферэнцыя “Актуальныя праблемы аховы жывёльнага свету ў Беларусі і сумежных рэгіёнах”, якая ўваходзіць у Пералік навуковых, навукова-тэхнічных і навукова-практычных мерапрыемстваў НАН Беларусі на 2018 год.
У рабоце канферэнцыі прымуць удзел вядучыя вучоныя з Беларусі, Расіі, Украіны, Арменіі і Польшчы.

02.10.2018

У Агенцтва па касмічных даследаваннях НАН Беларусі даслалі музычны кліп з арбіты

Агенцтва па касмічных даследаваннях Нацыянальнай акадэміі навук Беларусі паведамляе, што паводле інфармацыі Індзіры Фойстэл, якая брала ўдзел у 31-м Міжнародным Кангрэсе Асацыяцыі ўдзельнікаў касмічных палётаў, які адбыўся ў г. Мінску ў верасні бягучага года, яе мужам, у цяперашні час камандзірам 56-й экспедыцыі Міжнароднай касмічнай станцыі, Эндру Фойстэлам, сумесна з канадскім рок-гуртом The Tragically Hip запісаны музычны відэакліп з космасу.

01.10.2018

Інстытут біяфізікі і клетачнай інжынерыі правядзе семінар у рамках выставы “Медыцына і здароўе 2018”

4 кастрычніка 2018 г. ДНУ “Інстытут біяфізікі і клетачнай інжынерыі НАН Беларусі” праводзіць семінар “Клеткавыя тэхналогіі для сучаснай медыцыны” ў рамках дзелавой праграмы 25-ай міжнароднай спецыялізаванай выставы “Медыцына і здароўе 2018”.
На семінары будуць асветлены пытанні прымянення біямедыцынскіх клеткавых прадуктаў на аснове мезенхімальных ствалавых клетак, фібрабластаў скуры і дэндрытных клетак у анкалогіі, стаматалогіі, афтальмалогіі і хірургіі. З дакладамі выступяць прадстаўнікі ДНУ “Інстытут біяфізікі і клетачнай інжынерыі НАН Беларусі”, УА “Беларускі дзяржаўны медыцынскі ўніверсітэт”, ДУА “Беларуская медыцынская акадэмія паслядыпломнай адукацыі”.

28.09.2018

Агенцтва па касмічных даследаваннях НАН Беларусі паведамляе, што на наступным тыдні экіпаж 56-й экспедыцыі Міжнароднай касмічнай станцыі пакіне станцыю

Агенцтва па касмічных даследаваннях Нацыянальнай акадэміі навук Беларусі паведамляе, што па інфармацыі, якая паступіла ад удзельнікаў 31-га Міжнароднага Кангрэса Асацыяцыі ўдзельнікаў касмічных палётаў, які адбыўся ў г. Мінску з 9 па 15 верасня 2018 г., на наступным тыдні экіпаж 56- й экспедыцыі Міжнароднай касмічнай станцыі (МКС) пакіне станцыю.
У сераду, 3 кастрычніка, камандзір 56-й экспедыцыі Эндру Фойстэл перадасць кіраванне МКС камандзіру 57-й экспедыцыі Аляксандру Герсту. У чацвер, 4 кастрычніка, касманаўты Эндру Фойстэл, Алег Арцем’еў, Рычард Арнольд пакінуць МКС і вернуцца на Зямлю.

26.09.2018

26 верасня 2018 года споўнілася 90 гадоў з дня нараджэння члена-карэспандэнта НАН Беларусі Віталія Фядосавіча Мядзведзева

26 верасня 2018 года спаўнілася 90 гадоў з дня нараджэння члена-карэспандэнта Нацыянальнай акадэміі навук Беларусі, доктара эканамічных навук, прафесара Віталія Фядосавіча Мядзведзева. У Інстытуце эканомікі НАН Беларусі адбылося ўрачыстае пасяджэнне вучонага савета, прысвечанае гэтай падзеі. Ва ўрачыстым мерапрыемстве прынялі ўдзел больш за 40 прадстаўнікоў органаў заканадаўчай улады, дзяржаўнага кіравання, навуковых арганізацый і ўстаноў вышэйшай адукацыі Рэспублікі Беларусь. Ад імя Прэзідыума НАН Беларусі акадэмік-сакратар аддзялення гуманітарных навук і мастацтваў Аляксандр Каваленя звярнуўся з віншавальным словам да юбіляра і ўручыў Віталію Фядосавічу Мядзведзеву вышэйшую ўзнагароду Нацыянальнай акадэміі навук Беларусі Нагрудны знак “Залаты медаль Нацыянальнай акадэміі наук Беларусі “За Вялікі ўклад у развіццё навукі”.

26.09.2018

У Інстытуце парашковай металургіі імя акадэміка А.У.Романа адбудзецца семінар для спецыялістаў Мінпрама “Сучасныя тэхналогіі”

27 верасня 2018 года з 10:00 да 13:00 у Інстытуце парашковай металургіі імя акадэміка А.У. Романа (Мінск, вул. Платонава, 41) адбудзецца семінар для спецыялістаў Мінпрама “Сучасныя тэхналогіі”.

26.09.2018

У ДНУ “Інстытут радыебіялогіі НАН Беларусі” адбудзецца Міжнародная навуковая канферэнцыя “Радыебіялогія: актуальныя праблемы”

27-28 верасня ў ДНУ “Інстытут радыебіялогіі НАН Беларусі” (г. Гомель, вул. Фядзюнінскага, 4) адбудзецца Міжнародная навуковая канферэнцыя “Радыебіялогія: актуальныя праблемы”.
У працы форуму прымуць удзел вядучыя вучоныя з Беларусі, Расіі, Казахстана, Літвы, Швецыі і Японіі.

25.09.2018

НАН Беларусі і Акадэмія навук кітайскай правінцыі Шаньдун створаць сумесную лабараторыю

Інстытут фізікі Нацыянальнай акадэміі навук Беларусі і Інстытут лазерных даследаванняў Акадэміі навук кітайскай правінцыі Шаньдун створаць сумесную навуковую лабараторыю. Адпаведнае пагадненне падпісана сёння ў час візіту кітайскай дэлегацыі ў НАН Беларусі. Дакумент прадугледжвае выкананне шэрагу кантрактаў у галіне лазернай фізікі.

25.09.2018

Адбылася прэс-канферэнцыя “Захаванне гістарычнай памяці і супрацьдзеянне фальсіфікацыі гісторыі Вялікай айчыннай вайны”

25 верасня 2018 года ў Нацыянальным прэс-цэнтры Рэспублікі Беларусь адбылася прэс-канферэнцыя “Захаванне гістарычнай памяці і супрацьдзеянне фальсіфікацыі гісторыі Вялікай айчыннай вайны” ў рамках цыкла прэс-мерапрыемстваў, прымеркаваных да 75-годдзя вызвалення Беларусі ад нямецка-фашысцкіх захопнікаў.
Удзел прынялі дырэктар Інстытута гісторыі НАН Беларусі Вячаслаў Даніловіч, загадчык аддзела ваеннай гісторыі Беларусі Аляксей Літвін, вядучы навуковы супрацоўнік гэтага аддзела Анатоль Крыварот.

24.09.2018

У Мінску адкрыта мемарыяльная дошка і кабінет акадэміка Мікалая Барысевіча

24 верасня 2018 года ў Мінску прайшлі ўрачыстасці па ўвекавечанні памяці выдатнага вучонага-фізіка і арганізатара навукі, акадэміка НАН Беларусі і Расійскай акадэміі навук, Героя Сацыялістычнай Працы, актыўнага ўдзельніка Вялікай Айчыннай вайны і партызанскага руху ў Беларусі, лаўрэата Ленінскай прэміі, Дзяржаўных прэмій СССР і Рэспублікі Беларусь, доктара фізіка-матэматычных навук, прафесара Мікалая Аляксандравіча Барысевіча. На працягу 18 гадоў – з 1969 па 1987 гады – акадэмік Мікалай Аляксандравіч Барысевіч з’яўляўся Прэзідэнтам Акадэміі навук БССР. 21 верасня 2018 года яму споўнілася б 95 гадоў.

24.09.2018

III Міжнародны навуковы семінар “Расліннасць балот: сучасныя праблемы класіфікацыі, картаграфавання, выкарыстання і аховы” пройдзе ў Гродне

26-28 верасня 2018 года дзяржаўная навуковая ўстанова “Інстытут эксперыментальнай батанікі імя В.Ф.Купрэвіча Нацыянальнай акадэміі навук Беларусі” праводзіць пры ўдзеле ўстановы адукацыі “Гродзенскі дзяржаўны ўніверсітэт імя Янкі Купалы” на базе Гродзенскага дома навукі і тэхнікі III Міжнародны навуковы семінар “Расліннасць балот: сучасныя праблемы класіфікацыі, картаграфавання, выкарыстання і аховы”.

21.09.2018

На юбілейным пасяджэнні Савета МААН прыняты шэраг важных пастаноў

На юбілейным пасяджэнні Савета МААН, якое прайшло 21 верасня 2018 года, з прывітальным словам да ўдзельнікаў звярнуўся кіраўнік МААН Уладзімір Гусакоў і Прэзідэнт Расійскай акадэміі навук Аляксандр Сяргееў. Кіраўнікі дэлегацый краін-удзельніц МААН разгледзелі пытанні супрацоўніцтва ў сферы фундаментальнай навукі, ахарактарызавалі ўклад кожнай з краін у развіццё Асацыяцыі, абмеркавалі перспектыўныя кірункі і механізмы функцыянавання ў каротка- і сярэднетэрміновай перспектыве. У.Гусакоў далажыў аб рабоце базавай акадэміі навук МААН - НАН Беларусі.

21.09.2018

Заява Дзяржаўнага прадпрыемства “Акадэмфарм” НАН Беларусі з нагоды фармацэўтычнай субстанцыі Валсартан

Дзяржаўнае прадпрыемства “Акадэмфарм” НАН Беларусі інфармуе, што для вытворчасці лекавых сродкаў Валсартан-НАН, Валсамладзін, Ко-Валсартан выкарыстоўваецца актыўная фармацэўтычная субстанцыя Валсартан вытворчасці кампаніі ТеvaAPIIndiaLtd. Пра гэта ёсць сцвярджальны запіс на афіцыйным сайце УП “Цэнтр экспертыз і выпрабаванняў у ахове здароўя” ў раздзеле “Рэестры ЛС” (сайт http://www.rceth.by).

21.09.2018

20-21 верасня 2018 года ў НАН Беларусі праходзіць юбілейная сесія Міжнароднай асацыяцыі акадэмій навук

20-21 верасня 2018 года ў НАН Беларусі праходзіць юбілейная сесія Міжнароднай асацыяцыі акадэмій навук, прысвечаная 25-годдзю арганізацыі. У яе рабоце прымаюць удзел кіраўнікі акадэмій навук краін СНД і іншых дзяржаў, вядомыя вучоныя. На сесіі МААН плануецца абмеркаваць прыняцце дакументаў, накіраваных на ўдасканаленне дзейнасці асацыяцыі, збліжэнне пазіцый акадэмій навук, рэалізацыю сумесных праектаў. Па выніках мерапрыемства будзе таксама прынята рэзалюцыя.

20.09.2018

У Прэзідыуме НАН Беларусі прайшла сустрэча з дэлегацыяй Кітайскай акадэміі грамадскіх навук

18 верасня 2018 года ў Прэзідыуме НАН Беларусі прайшла сустрэча з дэлегацыяй Кітайскай акадэміі грамадскіх навук пад кіраўніцтвам Віцэ-Прэзідэнта КАГН, акадэміка, прафесара Лі Пейліна. Першы намеснік Старшыні Прэзідыума НАН Беларусі Сяргей Чыжык павітаў гасцей і выказаў зацікаўленасць у пашырэнні і паглыбленні далейшага беларуска-кітайскага супрацоўніцтва ў сферы гуманітарных навук.

20.09.2018

На Юбілейнай сесіі МААН уручылі памятныя знакі “У гонар 90-годдзя Нацыянальнай акадэміі навук Беларусі”

20 верасня 2018 года на Юбілейнай сесіі Міжнароднай асацыяцыі акадэмій навук, прысвечанай 25-годдзю арганізацыі, адбылася цырымонія ўрачыстага ўручэння памятных знакаў “У гонар 90-годдзя Нацыянальнай акадэміі навук Беларусі”. Узнагароды ўручаны кіраўнікам дэлегацый, якія прыехалі на ўрачыстасці ў Мінск.


Новости 41 - 60 из 1067
Начало | Пред. | 1 2 3 4 5 | След. | Конец
 

Галоўная старонка / Навіны / Архіў навін / Да пачатку старонкі
Пры поўным ці частковым выкарыстанні інфармацыі спасылка на крыніцу з'яўляецца абавязковай