Для рашэння гэтых задач, у Акадэміі навук і яе навуковых арганізацыях ствараюцца пастаянна дзеючыя саветы маладых вучоных. Іх асноўнымі задачамі з'яўляюцца: садзейнічаць прафесійнаму росту маладых вучоных і іх актыўнаму ўдзелу ў фундаментальных і прыкладных даследаваннях; удзельнічаць у рашэнні пытанняў, якія тычацца сацыяльнай абароненасці моладзі, у т.л. жыллёвых праблем; выконваць агульныя прадстаўнічыя функцыі і выражаць інтарэсы навуковай моладзі ў Прэзідыуме НАН Беларусі, Бюро Прэзідыума НАН Беларусі, Агульным сходзе НАН Беларусі і іншых структурах НАН Беларусі, а таксама ў дзяржаўных органах і грамадскіх арганізацыях, сродках масавай інфармацыі; ініцыіраваць стварэнне ў НАН Беларусі маладзёжных навукова-інавацыйных цэнтраў на гаспразліковай аснове, а таксама іншых формаў арганізацыі навукова-даследчай дзейнасці; садзейнічаць выданню матэрыялаў канферэнцый і школ-семінараў маладых вучоных, артыкулаў, манаграфій і іншых навуковых і навукова-папулярных работ маладых вучоных; падтрымліваць развіццё міжнародных навуковых і культурных сувязей з удзелам маладых вучоных.

Савет маладых вучоных НАН Беларусі з'яўляецца пастаянным грамадскім органам, які дзейнічае пры Прэзідыуме НАН Беларусі. Савет узначальвае сістэму саветаў маладых вучоных у Акадэміі навук і каардынуе яе работу.